Qazırgı zamanda damyǧan elderdı elektr jelılerınsız elestete almaisyz. Al qazırgıdei sifrlandyru däuırınde onyŋ kömegı tıptı kerek-aq. Şükır, elımız egemendık alǧaly, eldıŋ eŋsesı tıktelıp, damudyŋ älemdık köşıne ılesıp, damu üstınde. Qazır Qazaqstannyŋ är öŋırınde elektr jelılerımen, internetpen qamtu jūmystary jolǧa qoiylyp, özınıŋ oŋ äserın körsete bastady dese bolady. Atap aitar bolsaq, qazırgı taŋda alyp şahar Şymkentte būl jūmystar özınıŋ oŋ nätijelerın körsetude.
Naqty aitqanda, qazırgı uaqytta Şymkentte Azat, Qarabastau, Qaratöbe, Badam-1, Ötemıs, Şapyraşty, Jylanbūzǧan, Samal-3, Qaitpas-1 eldımekenderındegı 15 myŋǧa juyq tūrǧyn elektr jelısıne qosyldy.
Sondai-aq, qazırde Asar-2, Tassai, Aqtas-1,2 şaǧyn audandarynda qūrylys jūmystary jürgızılıp jatyr. Jyl soŋynda atalǧan şaǧynaudandarda 8 myŋnan astam tūrǧyn sapaly elektrge qol jetkızedı dep kütılude.
Biyl sapasy tömen elektrden jaryq alatyn 16 eldımekennıŋ ışkı elektr jüielerı men qalanyŋ soltüstık bölıgın sapaly elektrmen qamtuǧa mümkındık beretın 3 qosalqy stansiianyŋ qūrylysy jürgızılıp otyr.
Sonymen qatar, jyl soŋynda 7 nysannyŋ qūrylysy aiaqtalsa, 13 eldımekende 23,5 myŋǧa juyq adam sapaly elektr quatymen qamtylatyn bolady.
Būl Şymkent qalasy äkımınıŋ baspasöz qyzmetınıŋ taratqan mälımetı. Atalǧan jūmystar uaqytynda ärı sapaly aiaqtalyp, qala qazırgıden de asqaq, säulettı, damyǧan megapoliske ainalaryna senemız.
Duman Amanjolūly,
“Adyrna” ūlttyq portaly
