Şyraily şym qalada tabiǧatty körkemdep, tūrǧyndarynyŋ tynysyn aşyp, közderın jainata tüsetın taǧy da bır jaqsy jaŋalyq boldy. Osyǧan deiın de oŋtüstık öŋırı jaiqalǧan tabiǧaty jaǧynan özge qalalardan erekşelenıp tūrsa, endı körkıne körık qosa tüspek. Sebebı, Şymkentte A.Asqarov atyndaǧy dendrologiialyq saiabaqqa 10 dana qyrǧauyl qūsy äkelınıp, saiabaq aumaǧyna ūşyryldy. Mamandardyŋ aituynşa, saiabaqtyŋ faunasyn ūlǧaityp, tabiǧi ortany qalyptastyru jäne tepe-teŋdık saqtap qalu üşın būl qūstar Syrdariia-Türkıstan öŋıraralyq tabiǧi parkınen jetkızılgen. Dendrosaiabaq qalanyŋ qaq ortasynda ornalasqan «kışı orman» bolyp esepteledı. Sondai-aq, erekşe qorǧalatyn tabiǧi aumaq märtebesı berılgen. Sondyqtan özıne tän tynys-tırışılıgımen qosa aŋ-qūstary men jabaiy january bolǧany dūrys.   Qazırgı taŋda saiabaq aumaǧyndaǧy 3 ga jasandy kölde jabaiy aqqu, qaz, üirek jersındırılgen. Qoinauynda balyqtyŋ bırneşe türı kezdesedı. Sonymen qatar, saiabaqta 84 qyrǧauyl, 50 tiın, 23 qoian,10 taus (pavlin), 5 jıbek jäne bentamka tauyǧy, 4 sesarka, 3 teŋbıl būǧy, 4 ker būǧy, 1 ergejeilı qoi bar. Atalǧan aŋ-qūstar arnaiy bastyrmalarda, qorada jäne erkındıkte jüredı. Olar jem-şöppen tolyq qamtylǧan.  

D.Amanjolūly, Şymkent Aqparattyq Kommunikasiialyq Ortalyqtyŋ kömegımen daiyndaldy