«Halyq ünıne qūlaq asatyn memleket» qaǧidattarynyŋ oryndaluyn baqylaudy jüzege asyra otyryp, Aqtöbe oblysyna jūmys saparynyŋ ekınşı künın Sybailas jemqorlyqqa qarsy qyzmet basşysy Alik Şpekbaev Qarǧaly audany Qosestek auyldyq okrugınıŋ «Servistık äkımdıgınıŋ» qyzmetın tekseruden bastady.
«Servistık» nysandaǧy tehnologiialardy paidalanu täjıribesı sybailas jemqorlyqqa qarsy saiasattyŋ barlyq talaptaryna jauap beredı. Öitkenı mūndai jūmys ülgısı jemqorlyq täuekelderın joiady jäne kündelıktı jūmystyŋ aşyqtyǧyn qamtamasyz etedı. Eger būryn memlekettık qyzmetterdı aluşy azamattar türlı ǧimarat tabaldyryqtaryn tozdyruǧa mäjbür bolyp, «tamyr-tanystardyŋ» kömegıne jiı jügınetın bolsa, qazırgı taŋda mūndai qajettılıktıŋ joly kesıldı. Jaŋa ülgıdegı servistık äkımdık janynda auyldyq okrug äkımdıgınıŋ barlyq qyzmetterı jūmys ısteidı: «Qazpoşta» bölımşesı, uchaskelık inspektor jäne basqalar.
Būdan bylai osy täjıribenıŋ ülgısınde auyldardaǧy barlyq äkımdıkter qyzmet körsetudıŋ servistık ülgısıne köşedı. Olardyŋ basty ölşemşarty – jūmystyŋ aşyqtyǧy men qoljetımdılıgın qamtamasyz etu, sondai-aq azamattar üşın qolaily jaǧdai jasau. Sonymen qatar, barlyq mektepterdıŋ direktorlary öz kabinetterın 1-qabatqa auystyrdy, al densaulyq saqtau nysandarynyŋ jartysy azamattardy qabyldau üşın «Open Space» kabinetterın aşty.
«Men azamattardyŋ jailylyǧy üşın barlyq jaŋaşyldyqtar şyn mänınde tiıstı deŋgeide jūmys ısteitınıne köz jetkızu üşın öŋırler men auyldyq okrugterdı özım aralaimyn.
Būdan basqa, jergılıktı jerlerdegı bilıktıŋ jauapkerşılıgı men parasattylyq deŋgeiın arttyruǧa auyl äkımderın sailaudyŋ jaŋa täjıribesı yqpal etetın bolady. Sebebı sailauşylardyŋ senımın aqtauǧa degen ūmtylys olar üşın basty yntalandyru bolmaq», - dedı A. Şpekbaev.
Būdan ärı biznes salasyndaǧy sybailas jemqorlyqqa qarsy zaŋnamanyŋ oryndalu deŋgeiın anyqtau maqsatynda ol jel energetikasy sektoryndaǧy «Eni» halyqaralyq kompaniiasynyŋ eŋ ırı investisiiasy salynǧan «Arm wind» JŞS jel elektr stansiiasyna bardy. Jobaǧa salynǧan investisiialar kölemı şamamen 100 million AQŞ dollaryn qūraidy. Bıregei nysannyŋ quattylyǧy – 48 MVt, öŋırdı jyl saiyn 198 GVt/ saǧ kölemınde elektr energiiasymen qamtamasyz etuge mümkındık beredı. Būl kölem 20 myŋ tūrǧyny bar şaǧyn qala üşın jetkılıktı. Būdan basqa, JES atmosferaǧa kömırqyşqyl gazy şyǧaryndylarynyŋ kölemın jylyna 172 myŋ tonnaǧa qysqartady.
Qazırgı uaqytta otandyq biznestı qoldau jäne qorǧaudy qamtamasyz etu – eldıŋ ekonomikalyq damuynda maŋyzdy röl atqarady. Osyǧan bailanysty käsıpkerler üşın barynşa qolaily jaǧdailar jasau qajet. Būl rette, «Protecting Business and Investments» jobasy aiasynda Agenttık osy jel elektr stansiiasyn qamqorlyǧyna alyp, sybailas jemqorlyqqa qarsy süiemeldeuın ıske asyratyn bolady.
Sonymen qatar, A. Şpekbaev sybailas jemqorlyqqa qarsy süiemeldenetın nysan – «Aqtöbe» ÄKK» AQ aralady. Käsıporyn Aqtöbe oblysyndaǧy ekonomikalyq belsendılıktı yntalandyrady, onyŋ ışınde investisiialar tartu da bar. Bügıngı taŋda jobalar qorjynynda jalpy somasy 124,4 mlrd teŋgege 88 joba bar. Jalpy, sybailas jemqorlyqqa qarsy süiemeldeu turaly kelısımge jalpy somasy 4,2 trln teŋge bolatyn 40 şeteldık jäne jergılıktı investor qol qoidy. Jyl basynan qol qoiylǧan mūndai kelısımder sany – 10, al somasy – 28,1 mlrd teŋge.
Sybailas jemqorlyqqa qarsy qyzmettıŋ basşysy biznestı qorǧau jobasy aiasynda Agenttıktıŋ taǧy bır jobasy – «Ekoferma» JŞS qūlpynai ösıretın jylyjaiyna taban tıredı. Onyŋ tehnologiialary säuırden mamyrǧa deiın egın jinauǧa mümkındık beredı. Biylǧy jyldyŋ 11 aiynda mūnda 20 tonnadan astam qūlpynai ösırıldı.
