Aqtöbe oblysyna jūmys sapary aiasynda Sybailas jemqorlyqqa qarsy ıs-qimyl agenttıgınıŋ töraǧasy A. Şpekbaev belgılı qūqyq qorǧauşy Aiman Omarovanyŋ ūiymdastyruymen «Halyq ünı» atty aşyq dialogqa qatysty.
Is-şaraǧa oblys äkımı Oŋdasyn Orazalin, jergılıktı atqaruşy organdardyŋ basşylary, qoǧamdyq-qūqyq qorǧauşylar, sondai-aq özderınıŋ özektı mäselelerın aituǧa kelgen tūrǧyndar qatysty.
Esterıŋızge sala keteiık, «Halyq ünı» äleumettık jobasy – Memleket basşysy jariialaǧan «Halyq ünıne qūlaq asatyn memleket» tūjyrymdamasy aiasynda ıske asyrylyp jatqan şoǧyrlandyrylǧan ärıptestıktıŋ, auyldardaǧy qarapaiym adamdardyŋ mäselelerın şeşudıŋ bır mysaly.
Aşyq dialog barysynda oblysta erekşe qajettılıkterı bar adamdar üşın jasalǧan şarttardan bastap qūqyq qorǧau organdarynyŋ qyzmetıne deiıngı köptegen taqyryptar qozǧaldy.
Sapar barysynda Sybailas jemqorlyqqa qarsy qyzmet basşysyna «Bizneske arnalǧan ükımet» front-keŋsesı tanystyryldy. Onyŋ maqsaty «bır tereze» qaǧidaty boiynşa bizneske barlyq qoldau şaralaryn ortalyqtandyrylǧan türde körsetu.
«AQTOBE INVEST» jaŋa front-keŋsesı käsıpkerlerdı qoldau şaralarynyŋ qoljetımdılıgı men qamtyluyn arttyrady, sondai-aq räsımderdıŋ aşyqtyǧyn ūlǧaityp,nätijesınde käsıpkerdıŋ ideiadan jobany ıske asyruǧa deiıngı jolyn jeŋıldetedı.
Būdan keiın Agenttık töraǧasy men «Altyn qyran» KT bas direktory İ. Saljanov arasynda sybailas jemqorlyqqa qarsy ıs-qimyl mäselelerı boiynşa özara yntymaqtastyq turaly memorandumǧa qol qoiyldy. Ol bırlesken jobalardy ıske asyrudy jandandyruǧa, aqparat almasudy jüzege asyruǧa mümkındık bermek.
Sondai-aq, Alik Şpekbaev «Sanaly ūrpaq» jäne «Adal bılım» jobalary alaŋdarynda Sybailas jemqorlyqqa qarsy qyzmetpen belsendı yntymaqtastyq ornatqan Q. Jūbanov atyndaǧy Aqtöbe öŋırlık memlekettık universitetınde boldy.
Universitette sybailas jemqorlyq täuekelderın tömendetu şaralarynyŋ bırı – studenttık jäne oqytuşylyq qūramǧa barlyq yŋǧaily elektrondyq qyzmetterdı ūsynatyn «Smart ARSU» mobildı qosymşasy syndy sifrlyq tehnologiialardy engızu.
Jūmys saparynyŋ soŋynda Sybailas jemqorlyqqa qarsy qyzmet basşysynyŋ jūrtşylyqpen jäne Aqtöbe oblysynyŋ Prezidenttık kadr rezervımen aşyq dialogtyq kezdesuı öttı.
Qoǧam ökılderı vedomstvo basşysynan özderın tolǧandyrǧan sūraqtarǧa jauap alyp, Sybailas jemqorlyqqa qarsy qyzmettıŋ azamattyq qoǧammen tiımdı özara ıs-qimyly üşın rizaşylyqtaryn bıldırdı.
Sapar soŋynda A. Şpekbaev öŋırde memlekettık mekemelerdı transformasiialau, «Halyq ünıne qūlaq asatyn memleket» tūjyrymdamasy aiasynda aşyqtyq pen aiqyndylyqty engızu boiynşa jürgızılıp jatqan jūmystarǧa oŋ baǧa berıp, oblysta sybailas jemqorlyqtyŋ aldyn alu jūmystary tiıstı deŋgeide jürgızılıp jatqanyn atap öttı.
