Qala basşylyǧy üi kezegınde tūrǧan azamattardyŋ sanyn jyl sanap azaityp keledı
Şymkent qalasynyŋ äkımı Mūrtan Äitenovtıŋ töraǧalyǧymen ötken keŋeste tūrǧyn üi basqarmasynyŋ basşysy Ǧalymjan Tölepov 2020 jyldyŋ on aiyndaǧy jūmysty qorytyndylady.
Şymkentte taǧy 1596 otbasy baspanaly boldy
Basqarma basşysy habarlaǧandai, qalada 1600-ge juyq otbasy qonys toiyn toilap jatyr. Būl adamdar äkımdıktıŋ kezegınde tūrǧan jäne «Nūrly jer» baǧdarlamasynyŋ aiasynda arendalyq üige ie bolyp otyr.
1596 adamnyŋ ışınde 2 soǧys ardagerı, 48 jetım nemese ata-anasynyŋ qamqorlyǧynsyz qalǧan bala, 450 köp balaly otbasy, äleumettık az qamtylǧan toptaǧy 192 adam jäne jūmys ısteitın 904 jas maman bar.
Jalpy, «Nūrly jer» memlekettık tūrǧyn üi baǧdarlamasynyŋ bır baǧyty bolyp otyrǧan arendalyq baspana osy Şymkent qalasynan basqa, Almaty jäne Nūr-Sūltanda ıske asady. Baǧdarlama boiynşa äkımdıktıŋ kezegınde tūrǧan tūrǧyn üige eŋ mūqtaj azamattar ai saiynǧy päteraqysy öte tömen baspanaǧa ie bola alady. Arendalyq baspananyŋ ekı baǧyty, iaǧni, satyp alu qūqyǧynsyz jäne satyp alu qūqyǧymen berıletın päterler bar.
Qalada 40 myŋnan astam azamat üi kezegınde tūr
Basqarma basşysynyŋ mälımetıne süiensek, qazır qala boiynşa 40 752 azamat üi kezegınde tūr. Biyldyŋ özınde üi kezegıne 11 280 adam qūjat tapsyrsa, äkımdık olardyŋ jartysyna juyǧyn, iaǧni, 4530 adamdy üi kezegıne tırkep qoiǧan.
«Onyŋ ışınde, jetım jäne ata-anasynyŋ qamqorlyǧynsyz qalǧan balalar – 1663, köpbalaly otbasylar – 6129, halyqtyŋ äleumettık jaǧynan älsız toby – 13576, memlekettık qyzmetşıler, biudjettık ūiym jäne äskeri qyzmetşıler – 19357, jalǧyz tūrǧyn üiı apatty jaǧdaida dep tanylǧan azamattar sanaty – 27», - dep habarlaidy qala äkımınıŋ baspasöz qyzmetı.
Tūrǧyn üi kezegıne ünemı tüzetu enedı
Jalpy, äkımdık üi kezegı tez jylju üşın jasalatyn basty şaralardyŋ bırı – tızımge ünemı tüzetu engızıp tūru deidı. Öitkenı, üi kezegınde tūrǧanmen, azamattar basqa jaqqa köşıp ketıp jataly nemese äuel basta kezekke tūratyn sanatyn joǧaltqan.
«2020 jyly tūrǧyn üi tızımıne tüzetu jasaldy, otbasy müşelerın qosa alǧanda 118 678 azamatqa qatysty mälımet taǧy bır ret tekserılgen. Osylaişa, ielıgınde tūrǧyn üi tırkelgen, basqa eldı-mekenge qonys audarǧan, sanatyn joǧaltqan, qaitys bolu sebepterıne bailanysty 4456 azamat tūrǧyn üi alu tızımınen şyqty», - dep habarlaidy derekköz.
Jalpy, biyl qalada 154 nysannyŋ qūrylysy josparlansa, qala basşylyǧy köpqabatty tūrǧyn üiler qūrylysyna basymdyq berıp otyr. Mäselen, osy «Nūrly jer» memlekettık baǧdarlamasy boiynşa biudjet esebınen 92 üi salynyp jatyr. Jyl basynan berı, toǧyz ai ışınde 528 päterlık 8 tūrǧyn üi, «Şymkent siti» şaǧynaudanynda 888 päterlı 12 tūrǧyn üi, barlyǧy 20 tūrǧyn üi paidalanuǧa berıldı.
«Jeltoqsanda «Tūran» şaǧyn audanyndaǧy 1708 päterlı 27 tūrǧyn üi paidalanuǧa berıledı. Osylaişa, jyl soŋyna deiın taǧy 3284 otbasy öz baspanasyn satyp alu mümkındıgıne ie bolady», - dep habarlaidy äkımdıktıŋ baspasöz qyzmetı.
Qūrylys basqarmasy mamandarynyŋ aituynşa, 9 aida 357,2 myŋ şarşy metr tūrǧyn üi paidalanuǧa tapsyrylyp, ötken jyldyŋ säikes kezeŋımen salystyrǧanda saladaǧy ösım 118% qūraǧan.
Jyl soŋyna deiın Şymkent äkımdıgı jalpy aumaǧy 254,8 myŋ şarşy metr tūrǧyn üidı paidalanuǧa tapsyrmaq.
Erke Jomart
«Adyrna» ūlttyq portaly
