Elımızdıŋ üşınşı megapolisı sanalatyn Şymkent qalasy būl künderı köptegen jetıstıkterge jetıp otyr. Mäselen, Şymkent biylǧy jyly TMD memleketterınıŋ mädeni astanasy atandy. Mūndai märtebege ie bolu üşın qalanyŋ ekonomikalyq mümkındıgımen qatar mädeni nysandary, tazalyǧy, ömır süruge qolailylyǧy sekıldı kriteriiler esepke alynady.
Biyl Mūrat Äitenov Qala künı merekesınde: «Kün şuaqty şaharymyz – meiırımdı, eŋbekqor ärı talantty adamdar tūratyn qala. Ol – jaŋa ǧasyrdaǧy Qazaqstan önerı men mädenietınıŋ altyn besıgı» – dep atady. Äkım aitqandai, qala jyl saiyn türlenıp keledı. Jaŋadan aşylǧan ǧimarattar men saiabaqtar, alleialar el igılıgıne qyzmet etude. Mäselen, Ädet-ǧūryp jäne salt-dästür ortalyǧyn alaiyq. 2014 jyly qūrylǧan mekemede qazaqtyŋ salt-dästürlerı men ädet-ǧūryptaryna arnalǧan ǧylymi zertteuler men ädıstemelık jūmystar jürgızılıp keledı. Mädeni-aǧartuşylyq baǧytta qyzmet etetın mūndai ortalyq Qazaqstanda bıreu ǧana. Al qalanyŋ qaq ortasynda ornalasqan A.Asqarov atyndaǧy dendrologiialyq saiabaǧy jyldan jylǧa aŋ-qūstarmen tolǧyp keledı. Qazır mūnda 84 qyrǧauyl, 50 tiın, 23 qoian, 10 tauys, 5 jıbek jäne bentamka tauyǧy, 4 sesarka, 3 teŋbıl būǧy, 4 kerbūǧy jäne 1 erkejeilı qoi bar. Sondai-aq, saiabaqta aumaǧy 3 gektar jerdı alyp jatqan jasandy kölde balyqtyŋ bırneşe türı men aqqu-qazdar jersındırılgen.
Qazır qala respublikalyq biudjetten ekonomikanyŋ damuyna bölıngen qarjyny igerude törtınşı orynda keledı. Mäselen, biudjetten bölıngen 455,4 mlrd teŋgenıŋ qaraşa aiyna deiın 339,6 mlrd teŋgesın igeru kerek bolǧan. Onyŋ 336,6 mlrd teŋgesı, paiyzǧa şaqqanda 99,2 paiyzy igerılgen. Būl – osy osy öŋırdıŋ äkımı men onyŋ komandasynyŋ nätijelı jūmysynyŋ naqty körınısı.
Şymkent qalasy biylǧy jyldyŋ jartyjyldyǧyndaǧy esepke säikes, 14.7 mlrd teŋge auyl şaruaşylyǧy önımın öndırıp, respublikada bırınşı orynǧa şyqty. Sonymen qatar būl qalaırı önerkäsıptık ortalyqtyŋ bırı. Mūnda maşina jasau, jeŋıl önerkäsıp, mūnai öŋdeu, metallurgiia, farmasevtika, qūrylys materialdary öndırısı sekıldı 70 astam ırı käsıporyn, 600-den astam şaǧyn jäne orta käsıporyn jūmys ıstep tūr.
«Adyrna» ūlttyq portaly
