«Adyrna» aqparattyq agenttıgı oqyrmandarǧa qyzyǧyraq bolar degen oimen Aqtöbe oblysynyŋ tynys-tırşılıgı turaly sūhbattar men maqalalar seriiasyn ūiymdastyrudy qolǧa alǧan edı. Endeşe oblystyŋ QR Prezidentınıŋ Joldauyndaǧy mındetterdı ıske asyru belsendılıgı turasyndaǧy portal tılşılerınıŋ Aqtöbe oblysynyŋ äkımı Orazalin Oŋdasyn Seiılūlynan alǧan mälımdemesın nazarlaryŋyzǧa ūsynamyz.
QR Prezidentı Q.K. Toqaevtyŋ «Jaŋa jaǧdaidaǧy Qazaqstan: ıs-qimyl kezeŋı» atty Qazaqstan halqyna Joldauyn oryndau maqsatynda, Joldaudyŋ negızgı 11 baǧyty boiynşa Aqtöbe oblysynda naqty jūmystar atqaryluda.
Prezident Joldauynan tuyndaityn barlyq mındetterdı jüzege asyru maqsatynda öŋırlık ıs-şaralar jospary daiyndalyp, barlyq tiıstı jūmystardy uaqtyly jäne sapaly atqaruǧa küş salynady. Būl rette oblys äkımınıŋ orynbasarlary men barlyq basqarma basşylaryna, Aqtöbe qalasy men audandar äkımderıne naqty tapsyrmalar jükteldı. Joldaudy halyqqa keŋınen tüsındıru maqsatyndaǧy ıs-şaralar boiynşa materialdar būqaralyq aqparat qūraldarynda (telearnalarda jäne gazetterde), sonymen bırge äleumettık jelılerde keŋınen jariialanuda. Sonymen qatar, oblystyq telearnalarda «Joldau», «Poslanie» jäne oblystyq jäne audandyq gazet betterınde «Joldau», «QR Prezidentınıŋ Joldauy 2020», «Poslanie», «Za strokoi Poslaniia» atty aidarlarmen jariialanyp keledı. Oblysta qoǧamdyq müddelerdı qalyptastyruda belgılı röl atqaratyn 6 saiasi partiia filialdary, 100 den astam ükımettık emes ūiymdar, 10 salalyq käsıpodaq, 17 etnomädeni ortalyqtar bar. Jalpy qoǧamdyq saiasi jaǧdailarda tūraqtylyqty nyǧaitu jäne maŋyzdy qūjattardy tüsındıru, halyq pen jergılıktı bilık arasyndaǧy qatynasty qalyptastyru jūmystaryn jüielı jürgızudıŋ negızgı baǧyttary ol ideologiialyq jūmystar. İdeologiialyq jūmysty jürgızude aqparattyq toptyŋ rölı zor. Aqtöbe oblysynda osy baǧytta ziialy qauym ökılderınen, lektorlar men ǧalymdardan qūralǧan aqparattyq-nasihattyq top tūrǧyndarmen kezdesıp, memlekettık saiasatty jäne baǧdarlamalardy tüsındıru jūmystaryn jürgızedı. Alaida, elımızde oryn alǧan karantindık jaǧdaiǧa orai, aǧymdaǧy jyly aqparattyq-nasihattyq toptyŋ jūmysynyŋ formaty özgertıldı. Qoǧamdyq tūraqtylyq qaşanda tatulyqpen tıkelei bailanysty. Etnosaralyq qarym-qatynas, şielenıstıŋ aldyn alu maqsatynda oblysta ışkı saiasat janyndaǧy Qoǧamdyq keŋes, Qazaqstan Halqy Assambleiasy, Qoǧamdyq kelısım keŋesı jäne qoǧamdyq instituttar bırlesken türde jūmysty üilestırıp otyrady. Sonymen qatar, ükımettık emes ūiymdardyŋ yntymaqtastyǧyn damytu maqsatynda, tūrǧyndardyŋ äleumettık mäselelerın şeşuge ükımettık emes ūiymdardy tartu üşın jergılıktı memlekettık mekemeler arqyly äleumettık tapsyrys jūmystary qalyptastyrlyp, jūmystar öz nätijesın berude. Bastamaşyl azamattyq belsendı azamattarmen köterılıp jürgen mäselelerı boiynşa kezdesuler ötkızılıp tūrady.
«Adyrna» ūlttyq portaly
