Pavlodar oblysynyń eki turǵyny bir-biriniń perzenthanada aýysyp ketkenin 35 jyldan soń bir-aq bildi, dep habarlaıdy «Adyrna» «KTK» arnasyna silteme jasap.
Bóten otbasynda óskenin bilgen Erjan Qýanyshev pen Narıman Hamıtov óz ata-anasymen kezdesti. 35 jylǵy perzenthanadaǵy oqıǵa sotta qaralady. Oqıǵa jaıly jergilikti jýrnalıst Salaýat Igilikov jelide jazǵan. Erjan Qýanyshev pen Narıman Hamıtov 35 jasta. Ekeýi 35 jyl buryn perzenthanada aýysyp ketken eken. Bala kúninde oǵan ata-anasyna uqsamaıtynyn aıtqandar kóp bolǵan, alaıda buǵan mán bermepti. Narıman óziniń ata-anasyna uqsamaıtyny týraly kóp aıtyla bastaǵan soń DNQ testin tapsyrady. Nátıjesinde ákesine de, anasyna da 99,99% óz ata-anasy emes ekeni boldy. Buǵan ózi de, ata-anasy da tańǵalady. Osydan soń perzenthanada eki balany kezdeısoq aýystyryp jibergeni anyq boldy. Jábirlenýshiler aýrýhana atyna aryz jazdy.
"Árıne, meni tárbıelegen adamdarǵa degen kózqaras bir sátke de ózgergen joq. Olar qalaı bolsa da meniń ákem men anam bolyp qala beredi. Bıologııalyq ata-analarym beıtanys adamdar arasynda ózińdikindeı nemese óz adamdaryń arasynda bóten adam sııaqty. Men muny basqa jolmen aıtyp jetkize almaımyn, tipti bárin qalaı sıpattaıtynymdy da bilmeımin. Jalpy jaǵdaı týraly aıtsam, men úlken soqqy aldym. Ómir boıy bóten ata-analardyń tárbıesinde bolý, ony keıin bilý - qıyn nárse eken. Meniń oıymsha, sot bárin sheshedi, al mamandar bolǵan jaǵdaıdyń barlyǵyna zańdy baǵasyn berýi kerek", - deıdi Erjan Qýanyshev.
«Adyrna» ulttyq portaly
