Nūr-Sūltan qalasyndaǧy Astana hub keşenınde «Zerdelı» aqyl-oi damytu ortalyǧynyŋ ūiymdastyruymen VI kezektı «Altyn saqa» matematikalyq olimpiadasy ötıp jatyr.
Dästürlı olimpiada «Astana daryny» daryndylyqty damytu jäne psihlogiialyq süiemeldeu ortalyǧymen bırlesıp ötkızılude.
Osy jyly karantinge bailanysty olimpiada onlain rejımde ūiymdastyryldy.
Olimpiadanyŋ aşyluyna «Astana daryny» DDjPS ortalyǧynyŋ direktory Tūrsynov Ǧajdembek Quanyşūly, «Zerdelı» aqyl-oi damytu ortalyǧynyŋ direktory Yrysbek Mäuıt arnaiy qatysyp, oquşylarǧa sättılık tıledı.
«Altyn saqa» matematikalyq olimpiadasynyŋ maŋyzy turaly Ǧajdembek Tūrsynov bylai dedı:
– Būl olimpiadanyŋ maqsaty – Nūr-Sūltan qalasyndaǧy barlyq mektep oquşylary ışınen matematika pänıne beiımdı balalardy anyqtap, ol balalarmen ary qarai keşendı jūmys jasau. Jeŋımpazdardy jyl boiy oqu jattyqtyru jiyndaryna şaqyryp otyru. Qaladaǧy eŋ üzdık matematik mūǧalımderınıŋ master klastaryna qatystyru, sabaq aluyn ūiymdastyru arqyly olardyŋ deŋgeiın jetıldıru».
Al, onlain rejimde ötıp jatqan olimpiadanyŋ tehnikalyq mümkındıgı men ūiymdastyru jūmystary turaly Yrysbek Mäuıt bylai baiandady:
– Būl olimpiadanyŋ tehnikalyq mümkındıgı özgeşe deuge bolady. Şeteldık eŋ ozyq innovasiialyq tehnologiiamen jabdyqtalǧan studiiadamyzda ötıp otyr. Tıkelei transliasiianyŋ sapasy, bailanys mümkındıgı, ǧalamtorlyq jyldamdyǧy da joǧary deŋgeide. Olimpiadanyŋ akademialyq tazalyǧyna basa män berılıp otyr. Ärbır sūraqqa berılgen uaqyt – 3 minut. Sūraqtardaǧy 6 jauaptyŋ 1, 2, 3 jauaby dūrys boluy mümkın. Uaqytynan keşıkken jauaptar qabyldanbaidy. Al, ırıktelıp alynǧan üzdıkterdıŋ özı arnaiy komissiia aldynda öz jauaptaryn däleldep, synnan ötedı. Būl kriteriiler qatysuşylardyŋ köşıru, basqalardyŋ kömegıne jügınu yqtimaldyǧyn barynşa tömendetedı.
Tehinkalyq proses pen jauaptardy qadaǧalau üşın, 2 bırdei ortalyǧymyzda 30-dan astam bılıktı menedjer mamandar jūmyldyryldy».
«Altyn saqa» basqa olimpiadalardan özgeşe. Olimpiadaǧa qatysu – tegın. Jäne jeŋımpaz atanu oŋai emes! Öz bılımıŋ men bılıktılıgıŋdı däleldeisıŋ. Sonymen qatar, saiystyŋ taǧy bır özgeşelıgı – jeŋımpazdar qarjylai marapattalady.
Jüzden jüirık şyqqan jüldegerler üşın demeuşıler kömegımen jalpy qory 1 million teŋgenı qūraityn qarjylai syilyq qarastyrylǧan.
«Altyn saqa» olmipiadasy jyl saiyn ötkızılıp keledı. Būl retkı olimpiada 6-ret ötızılıp otyr.
