Pavlodar oblysynda balasyn dalada qaldyrǧan ana ūstaldy, – dep habarlaidy «Adyrna» Polisia.kz-ke sılteme jasap.
– Pavlodarda uchaskelık polisiia inspektorlarynyŋ jedel ıs-qimyldarynyŋ arqasynda jas balanyŋ ömırın qaterge tıkken 33 jastaǧy ana ūstaldy. 2020 jylǧy 26 qaraşada saǧat 20.40-ta polisiiaǧa Pavlodar qalasyndaǧy “Avtovokzal” tramvai aialdamasynyŋ oryndyǧynan 8-9 ailyq aziat tiptes bala tabylǧany turaly habarlama kelıp tüstı. Közben şolyp qarau kezınde balada közge körınetın dene jaraqattary anyqtalǧan joq. Dereu tabylǧan bala turaly baǧdar jasalyp, barlyq aumaqtyq jäne şekara maŋyndaǧy audandarǧa taratyldy. Jaqyn maŋdaǧy barlyq köşeler tekserıldı, kuägerler men körgen adamdar sūraldy. Jedel qyzmetkerler men uchaskelık polisiia inspektorlary qys mezgılınde ülken jūmys atqardy. Nätijesınde uchaskelık inspektorlar 32 jastaǧy jergılıktı tūrǧyn basqarǧan “Toyota Camry” avtokölıgın anyqtady. Onyŋ aituynşa, ol “InDriver” mobildı qosymşasy arqyly jolauşylar tasymalymen ainalysady. 26 qaraşada ol ŞQO Semei qalasynan Pavlodar qalasyna balasy bar äieldı alyp kelıp, qalaǧa kelgen boida äieldı avtovokzalǧa qaldyrǧan. Ekı saǧattan astam uaqyt aralyǧynda küdıktı äiel ūstaldy. Oqiǧa boiynşa QR QK 119 – babynyŋ 1-bölıgı (Qauıptı jaǧdaida qaldyru) boiynşa sotqa deiıngı tergeu bastaldy, – dedı Pavlodar oblysy Polisiia departamentınıŋ bastyǧy Nūrlan Mäsımov.Polisiia qyzmetkerlerı äieldıŋ jalǧyzbasty ana ekenın, asyrauynda kämeletke tolmaǧan ekı ūly (9 jas, 1,2 jas) bar ekenın tüsındırdı. Ülken ūly äjesımen Ekıbastūz qalasynda tūrady. Soŋǧy jyldary äiel Taraz qalasynda tūrǧan. Ūlyn tastap ketudı aldyn ala josparlapty.
«Adyrna» ūlttyq portaly
