Álemde koronavırýske shaldyqqan jańa naýqastardyń sany qyrkúıek aıynan beri alǵash ret qysqardy, dep habarlaıdy «Adyrna»ulttyq portaly «Habar 24»-ke silteme jasap.
Bul aqparatty Dúnıejúzilik densaýlyq saqtaý uıymy málimdedi. Ásirese kári qurlyq elderinde vırýstyń báseńdeýi baıqalady. Mamandar bul qatań lokdaýnnyń nátıjesi deıdi.
Sonymen qatar Dúnıejúzilik densaýlyq saqtaý uıymy halyqty ózdiginen antıbıotıkterdi qabyldaýdan aýlaq bolýǵa shaqyrady. Olar «bul jańa pandemııanyń bastalýyna túrtki bolýy múmkin» dep dabyl qaǵady. Sarapshylar da «antıbıotıkter men vırýske qarsy preparattarǵa tózimdi mıkroaǵzalardyń pandemııasy» bolýy múmkin ekenin eskertti. Sondyqtan uıym ókilderi vırýstyń eshqaıda ketpeıtinin aıtyp, halyqty onymen ómir súrýge daǵdylanýǵa shaqyryp otyr.
«Adyrna» ulttyq portaly
