Osy apta boiy Aqparat jäne qoǧamdyq damu ministrlıgınıŋ ūiymdastyruymen ötıp jatqan IH Azamattyq forumnyŋ bır sessiiasy «Millenialdar jäne azamattyq qoǧam» degen taqyrypqa ainaldy. Būl sessiiaǧa prezidenttıŋ kadrlyq rezervındegı jastar qatysyp, tyŋ pıkırlerın bıldırdı.
Osy sessiiaǧa qatysqan Nūr-Sūltan qalasy jastar saiasaty basqarmasynyŋ basşysy Däulet Kärıbek qoǧamdaǧy özgerıs qalai jäne kımnen bastalatynyna qatysty pıkır bıldırıp, batystyŋ salt-dästürı nege şyǧys halyqtaryna köp kele bermeitının tüsındıruge tyrysty. Moderatordyŋ «qazaq jastary nege karantindı köp būzady, nege olar tyǧylyp dämhanaǧa baryp, tyǧylyp toi jasaidy» degen sūraǧyna jauap bergen Däulet Kärıbek pandemiianyŋ talabyn saqtamau tek Qazaqstanǧa ǧana emes, bükıl älemge tän «qasiet» deidı.
«Karantindı būzǧandar bızdıŋ elde ǧana emes, bükıl älemde bar. Germaniiada da, Portugaliiada basqa elderde de karantinge baǧynbaǧan adamdar boldy. Sondyqtan, internettegı pablikterge qarap, Qazaqstannyŋ qoǧamy osyndai eken deu terıs. Qoǧamdy tanu üşın aldymen baǧalau kerek, taldau kerek», - dedı osy sūraqqa qatysty Nūr-Sūltan qalasy jastar saiasaty basqarmasynyŋ basşysy.
Däulet Kärıbektıŋ aituynşa, Qazaqstanda qoǧamnyŋ özgerısı «qabyldanǧan baǧdarlamalardyŋ sanymen baǧalanady, būl terıs qūbylys». «Qoǧam degenımız ne? Qoǧam degen men, qoǧam degen sız. Iаǧni, qoǧam degen adamdardan qūralady ǧoi. Demek bız är bölşekke äser etuımız kerek. Sol siiaqty pandemiia kımnen taralady? Pandemiia qoǧamnan taralmaidy, ol jeke adamnan taralady. Jeke adamnyŋ gigienasy saqtalyp, maska taǧuy kerek. Qoǧamdaǧy özgerıstı öz ainalaŋmen salystyra salu oŋai. Bıraq, äleumettık jelıdegı 5000 dosyŋa qarap, sol qoǧamdy tani almaisyŋ, öitkenı, onyŋ artynda da ömır bar», - deidı ol.
Prezidenttıŋ kadrlyq rezervıne kırgen ol Qazaqstanda bır özgertetın dünie – «Keŋestık» sana deidı. «Keŋestık ideologiia boiynşa bärıne ükımet jauapty ǧoi. Mysaly, senbılık jasap jürıp, kürek synsa, ony syndyryp aldym dep oilaudyŋ ornyna, ükımet özı jöndep alsyn dep qaitara salamyz. Qoqys tastap, ony tazalaityn adam bar dep jinamaimyz. Bıraq, kürek salyǧyŋnyŋ esebınen jasalyp, qoqys tazalaityn adamǧa senıŋ salyǧyŋnan jalaqy tölenetının tüsınbeimız. Bız är adamnyŋ basyna kamera ornatyp qoia almaimyz. Sondyqtan, kez kelgen özgerıstı özımızden bastau kerek, sol kezde ǧana ol belgılı bır jeŋıske äkeledı», - deidı Däulet Kärıbek.
Ol toqtalyp ötken taǧy bır taqyryp – batys pen şyǧystyŋ mentalitetı boldy. Azamattyq qoǧamdy qalyptastyruda Qazaqstan batystyŋ zaŋdaryn sol qalpy şyǧys halqynyŋ mentalitetıne qoldana almaidy, deidı ol.
«...Olar batys, bız şyǧys. Olardyŋ ornyn auystyra almaimyz. Kün ol jaqtan şyǧyp, bız jaqtan bata alamidy. Sondyqtan kez kelgen jaŋalyqty bızdıŋ dästürlı qūndylyqtarymyzdan ötkızıp baryp kırgızu kerek. Ol sol kezde ǧana qabyldanady», - deidı ol.
Söz soŋynda Däulet Kärıbek «Qazaqstanda millenialder degenımız kım?» degen sūraqqa jauap bere kele, «millenial» degen termin qaidan şyqty, qai jaqtan endı? Ärine, batystan. Qazaqşalasaq, basqaşa bolady. Mysaly, qazaqta jıgıttıŋ bozbala degen şaǧy bar. Bızdegı millenialder bozbalaǧa keledı. Qoǧamdaǧy bozbalany sipattasaq, olar özderınıŋ baǧyt-baǧdaryn ızdeuşı, bıraq, özınıŋ ne ızdep jürgenın bıletın, qandai özgerıstı qajet etetının jäne sol ol üşın ne jasau kerek ekenın bıletın jaǧdaiǧa jetken adamdar», - deidı.
Erke Jomart,
«Adyrna» ūlttyq portaly
