Qazaqstannyŋ ǧaryş salasyndaǧy maŋyzdy jaŋalyqtarynyŋ bırı, ol "KazSat-2R"şartty atauymen üşınşı bailanys sputnigın konkurstyq negızde satyp alu nietı turaly habarlamasy boldy. Būǧan şamamen 105 million dollar bölındı. Atalǧan joba ıske assa da, "KazSat" bailanys jüiesı de qosymşa dami beretın bolady.
Ǧaryş salasyndaǧy taǧy bır qol jetken jetıstıgımız ol geokeŋıstıktık derekterdı taldau boiynşa qūzyretter ortalyǧy qūrylǧandyǧy. Būl ortalyqtyŋ qūrylatyndyǧy turaly osy jyldyŋ säuır aiynda aitylǧan bolatyn. Atalǧan ortalyqtyŋ tigızetın paidasy turaly aitsaq, būl jerdı qaşyqtyqtan zondtau sputnikterınen alatyn jäne özımızdıŋ däl navigasiia jüiemızden alatyn barlyq derekter bır ortalyqta jinalyp, qūrylysşylar, energetikter, auyl şaruaşylyǧy mamandary paidalana alatyndai daiyn önımderge bırıktırıledı degen söz. Būl elımız üşın öte qajet qoldanbaly kosmonavtika ortalyǧy.
Jetekşı elder sputniktık monitoringtıŋ Ūlttyq qauıpsızdık üşın qandai küştı mümkındıkter beretının baiaǧyda tüsıngen. Qazaqstanda osy salada ılgerleu qadamdaryn jasauda.
Qai eldıŋ bolsyn ǧaryş salasyndaǧy jetıstıkterınıŋ bırı ol Jerdı qaşyqtyqtan zondtau (JQZ) jüielerınıŋ boluy. Otandyq ǧaryştyq monitoringtıŋ tiımdı jüiesınıŋ bolmauy Qazaqstandy täueldı jaǧdaida qaldyrǧan edı. Basqa elderdıŋ sputnikterınen derekterdı alu, ol öz elıŋnıŋ sputnikterın alǧandai bolmaityny belgılı. Kommersiialyq jüielerden basqa Jerdı qaşyqtyqtan zondtau (JQZ) jüielerı qauıpsızdıktı qamtamasyz etu mäselelerın de, onyŋ ışınde infraqūrylym obektılerınde de şeşedı. Elımızdıŋ JQZ jüiesı ūlttyq qauıpsızdık salasynda da özınıŋ maŋyzdy ärı qaitalanbas rölın atqaruda. Bızdıŋ JQZ jüiemızge alty jyl boldy jäne ol elımızdıŋ müddesıne qaltqysyz qyzmet etude.
Erke Jomart,
«Adyrna» ūlttyq portaly
