Qazaq radiosynyŋ dauystar muzeiı sanalatyn «Altyn qorynda» qazırgı uaqytta 111 myŋnan astam şyǧarma men arnaiy habarlar bar. 2003 jyldan berı sandyq täsılmen SD-formatqa ötude. Bügınde 35 paiyzdan astamy sandyq ülgıge tüsırılgen. Ötken jyldyŋ qaŋtarynan bastap tüpnūsqa jaŋa sandyq formatqa auysuda. Osy uaqytqa deiın tyŋ täsılmen 13115 dana fonomaterial köşırılgen. Osy jäne «Altyn qordyŋ» mūnan da basqa tüitkılderı turaly bızge Qazaqstannyŋ eŋbek sıŋırgen qairatkerı, Qazaq radiosy «Altyn qor» bölımınıŋ jetekşısı Altyn İMANBAEVA baiandap berdı.
– Altyn Zeinel-Ǧabiqyzy, «Altyn qorda» negızınen qai jyldardan bergı üntaspalar saqtauly?
– Mūnda 70 jyldan bergı nebır dauystar bar. Arǧysyn aitsaq,
V. Lenin men N. Krupskaianyŋ, jazuşy M.Gorkiidıŋ dauystaryna deiın sapaly saqtalǧan.
Batyr aǧa-apalarymyz B.Momyşūly, R.Qoşqarbaev, H.Dospanovanyŋ dauysy keler ūrpaqqa taptyrmaityn asyl qazyna deu abzal. Qazaq önerıne eŋbegı sıŋgen Qazaqstannyŋ halyq ärtısterı Ş.Aimanov, Q.Baiseiıtov, Q.Jandarbekov, Ş.Jienqūlova, G.Ǧalieva, J.Elebekov, Ǧ.Qūrmanǧaliev, N.Tılendiev, Ş.Qaldaiaqov, A.Toqpanov, T.İbragimova siiaqty sahna saŋlaqtary üntaspany qossaŋyz, sairai jöneledı. Al qazaq ädebietınıŋ tarlandary T.Jarokov, Ǧ.Müsırepov, Ǧ.Mūstafin, S.Mūqanov, Ä.Täjıbaev, S.Mäulenov, A.Toqmaǧambetov, T.Äbdırahmanovanyŋ ünderı, olardyŋ özderı jaily syrǧa toly derektı äŋgımelerı baǧa jetpes bailyq sanalady. Teatr maitalmandary S.Maiqanova, S.Qojamqūlov, Ä.Ömırzaqova, B.Rimova, A.Jolymbetov, H.Elebekova, Y.Noǧaibaev, F.Şärıpova oinaǧan spektaklder äserı öz aldyna bölek.
Kezınde öner zertteuşısı, Qazaqstannyŋ eŋbek sıŋırgen qairatkerı, belgılı küişı Jarqyn Şäkärım 1925 jyly Fransiiada üntaspaǧa tüsken Ämıre Qaşaubaevtyŋ oryndaǧan alty änın Mäskeu arhivınen «Altyn qorymyzǧa» äkelıp tapsyrdy. Al eŋ alǧaş öz oryndauyndaǧy änderdı üntaspaǧa jazyp, fonotekaǧa tüsırgen Küläş Baiseiıtova, Manarbek Erjanov jäne Ǧarifolla Qūrmanǧaliev syndy halyq ärtısterı ekenın bıreu bılse, bıreu bılmeuı mümkın. Şeteldık jäne TMD elderınıŋ fonomaterialdarynan L.Zykina, G.Ots, L. Utesov, R.Beibutov, P. Biul-Biul Oǧly, V.Obodzinskii, A.German, V.Tolkunova, E.Peha, B.Zakirov syndy tamaşa änşılerdıŋ änderın köptep kezdestıruge bolady. Bır kezderı orys muzyka redaksiiasy bolǧan kezde osy änşıler köp nasihattalatyn.
İtaliialyq opera änşılerı T.Rufo, T.Skipa, L.Pavarotti, E.Karuzo, R.Loretti, grek-amerika änşısı M.Kallas, serb änşısı, Iýgoslaviianyŋ halyq ärtısı R.Karaklaichtıŋ dauystary, sonymen qatar, Resei halyq ärtısterı F.Şaliapin, A.Ulianov änderı, S.Rahmaninov, A.Rubenşteinnıŋ tuyndylary tausylmas qazyna emes pe?. Şırkın-ai, osy ünderdı bır auyq äue tolqynynan nasihattap tūrsaq, qandai ǧanibettı ıs bolar edı.
– Ädette, Qazaq radiosynyŋ qorynda ädebi, muzykalyq jäne tarihi maǧlūmatqa toly arnaiy habarlar köbırek saqtalmai ma?
– Qazaq radiosynyŋ janynan aşylǧan simfoniialyq, estradalyq, kameralyq orkestrlerdıŋ oryndauyndaǧy şyǧarmalar künbe-kün qordy baiytty. Sonymen qatar, radionyŋ öz janyndaǧy S.Äbuseiıtov, R.Mūsabaev, Z.Qoişybaeva, G.Razieva, V.Qarmysova, E.Hasanǧaliev, N.Nüsıpjanov, L.Kesoglu syndy tamaşa änşıler är taqyryptaǧy änderdı üntaspaǧa tüsırıp, fonotekany tolyqtyrdy. Jaqynda Kesoglu özınıŋ jeke mūrasyn qorǧa äkelıp tapsyrdy.
– Eŋ alǧaş radioda şyrqalǧan ännıŋ avtory kım jäne ol qandai än?
– Almatyda radio 1931 jyly aşylyp, Qazaq radiosyn sonda alǧaş Aitbai Hangeldin basqarǧan edı. Al radionyŋ efirın Säken Seifullin söz söilep aşqan. Alǧaşqy änşısı Şärkül Äşırova Ükılı Ybyraidyŋ «Gäkku» änın oryndaǧan. Muzyka bölımınıŋ meŋgeruşısı Boris Erzakovich äue tolqynyna tıkelei än salǧan änşılerdı, küişılerdı özı rettep otyrǧan. Äigılı jeztaŋdai änşı Küläş Baiseiıtova oryndaǧan «Gäkku» änı tūŋǧyş ret elge radio arqyly taraǧany belgılı.
…Men 1990 jyly Qazaq radiosynyŋ muzyka redaksiiasyna qyzmetke ornalasqan kezderde muzykalyq konsertter san salaǧa bölınetın. Tıptı, «Altyn qordaǧy» barlyq üntaspa äue tolqynynan berıletın. Qazaqstandy älem tanyǧan qazırgı şaqta bar bailyǧymyzdy äue tolqynynan janrǧa bölıp nasihattasaq, qordyŋ baǧasy artar edı. Jabuly qazanǧa ainalǧan qordan bügınde üntaspalar öte sirek nasihattalady. Qazırgı eldı jauyr qylǧan arzanqol estradadan basqa halyqqa ūsynyp jatqanymyz şamaly.
– Qazaq radiosynyŋ «Altyn qoryn» jandandyru üşın aldaǧy uaqytta ne ısteu kerek?
– Ol üşın öŋdeuşı operatorlardy qabyldap, dybys deŋgeiın köteruge tiıspız. Qazaq radiosynyŋ basqa radiodan erekşelıgı – bızde baǧa jetpes qūndy dauystar, änder men tyŋ şyǧarmalar öte köp. Mūndaǧy ūlttyq operalarymyz ben dramalyq spektaklder äue tolqynynan üzbei berılıp tūrsa, tyŋdauşyǧa teŋdesı joq jan azyǧy emes pe? Batyrlar jyry, qissa-dastandar, «Erden ataidyŋ ertegılerı» tyŋdalatyn uaqytta nasihattalsa, nūr üstıne nūr bolar edı. El ūiyqtaǧan şaqta «Altyn qordan» asyl marjan aqtaryp jatqanymyz – halyqqa jasalǧan qiianat.
– Jer betındegı memleketterdıŋ önerı men ädebietı, muzykasy saqtalǧan bölımnıŋ qazırgı tynys-tırşılıgı jaily qysqaşa aityp berseŋız.
– Mūndaǧy fonomaterialdardy sandyq jüiege tüsırudı odan ärı jalǧastyrudamyz. Osyǧan qaramastan köptegen şeşılmegen tüitkılder joq emes. Mysaly, bırınşıden, qordaǧy fonomaterialdar ylǧaldylylyǧy men temperaturasy saqtalmaǧandyqtan, keuıp jatyr. Bölmelerdıŋ temperaturasy bırqalypty emes. Zaŋ boiynşa +8 – +18 gradusta, ylǧaldylyǧy 65 paiyzda saqtaluy kerek. Ekınşıden, söreler – aliuminiiden, plenka qoiatyn oryn kartonnan jasalǧan, būl talapqa sai emes. Negızı, fonomaterialdardyŋ bärı neferromagnittık söreler men şkaftarda saqtaluy kerek. Üşınşıden, ört qauıpsızdıgı saqtalmaǧan. Törtınşıden, fonomaterialdardy köşıretın tehnikanyŋ tozyǧy jetken, eskı.
Magnitofondar 1986 jylǧy. Odan keiıngı tehnikalar jaŋartylmaǧaly on jyl.
– Atap aitqanda, qandai tehnikalyq şaralar qolǧa alynuy tiıs?
– Bırınşı – qordaǧy fonomaterialdardyŋ ylǧaldylyǧyn, temperaturasyn saqtap tūratyn tehnikalyq qūral kerek. Ekınşıden, fonomaterialdardy saqtaityn neferromagnittık söreler men şkaftar qajet. Üşınşı – ört söndıretın, ört tūtanǧan kezde su bürketın tehnika joqtyŋ qasy. Törtınşı – jaŋa STM-610 vengr magnitofondary kerek. Besınşı – fonomaterialdardy köşıretın zamanaui tehnikalardy jaŋartu – uaqyt talaby.
– Örkeniettı elderde būl mäsele qalai şeşılgen?
– Bır ǧana Mäskeudı mysalǧa alsaq, radioda qorlar tolyqtai sifrlyq jazbaǧa tüsırılgen. Ondaǧy üntaspa saqtaityn ǧimaratta fonomaterialdar neferromagnittık sörelerdegı sandyqşalarda saqtalǧan. Sonymen qatar, ylǧaldylyǧy men temperaturasyn retteitın arnaiy avtomattalǧan qūrylǧylar bar. Sol arqyly qyzmetkerler bölmege qajettı sūranysty qamtamasyz etedı. Kıtaphanalardaǧy siiaq-
ty avtomattandyrylǧan baǧyt arqyly üntaspalar özdıgınen jyljyp, qajet jerge jetedı. Būl jerdegı qyzmetkerlerdei fonomaterialdardy belı qaiy-
syp köterıp jürmeidı eken.
Tehnikalyq direksiianyŋ jūmysty jolǧa qoimauynan bır plenkany 15-20 ret sandyq täsılge tüsırıp, bır ıstı san ret qaitalap otyrǧan jaiymyz bar.
– Tehnologiialyq tūrǧyda qor saqtau talaptary tolyq oryndalyp otyrǧan joq pa?
– Toǧyz myŋǧa juyq Mäskeu fonomaterialdary telearnanyŋ ot jaǧylmaityn jertölesıne köşırıldı. Üş sandyq täsılge tüsıretın operatorymyzdy tehnikalyq bölımge auystyrdy. Qazaq radiosynyŋ ǧimaratynan telearnanyŋ kabinetterınde otyrǧan operatorlarǧa fonomaterialdar tasylyp berıledı. Köşırılgen sapaly fonomaterialdar taǧy da jertölege qoiyluda.
«Altyn qor» fonomaterialdary 18 gradustyq jylylyqta saqtaluy kerek. Qazırgı jertölenıŋ temperaturasy oǧan mülde säikes emes. Syz ärı salqyn. Taǧy bergelı otyrǧan üş bölme de fonomaterialdardy saqtauǧa jaramaidy. Negızı, Qazaq radiosynyŋ «Altyn qory» öz ǧimaratynda qalsa deimız. Ǧimaratty jalǧa berıp aqşa tapqan jaqsy-aq, bıraq 70 jyl jinaǧan bailyǧymyzdan aiyrylu qylmys bolyp tabylady. Kezınde men TV-nyŋ jertölesıne tüskende temır qalbyrda tübıt bolyp şırıp jatqan beinetaspalardy körıp, şoşydym. Temır qalbyrda şırıse, sonda qaǧaz qoraptaǧy üntaspa qalai aman tūr? Suyq jerde plenka synady, magnittık qabaty şaşylyp qalady. Magnittık qabatta bızdıŋ qajettı dybystarymyz tūr. Osy jaǧdaiǧa men qatty alaŋdaimyn.
– «Altyn qor» bölımınıŋ ısın qorǧaityn arnaiy zaŋ qabyldau kerek dep jürsız. Mūnda ne närsege basa nazar audarǧan jön?
– «Altyn qor» fonomaterialdarynyŋ syrtqa köşırılmeuı, satylmauy jaily zaŋ şyǧaru qajet. Būl – jabyq arhiv. Öz kezınde sahna saŋlaqtary, ädebiet tarlandary altyn qorǧa mūralaryn saqtauǧa, Qazaq radiosynan nasihattauǧa tegın ötkızgen. Būl fonomaterialdardy avtorlardyŋ, sondai-aq, mūragerlerdıŋ rūqsatynsyz eşkım de paidalanuǧa qaqysy joq. Tek Qazaq radiosynyŋ äue tolqynynan ǧana nasihattaluy qajet. Sol sebepten, baǧa jetpes fonomaterialdar tıstegennıŋ auzynda, ūstaǧannyŋ uysynda ketpeuı kerek.
– Altyn Zeinel-Ǧabiqyzy, «Altyn qorda» negızınen qai jyldardan bergı üntaspalar saqtauly?
– Mūnda 70 jyldan bergı nebır dauystar bar. Arǧysyn aitsaq,
V. Lenin men N. Krupskaianyŋ, jazuşy M.Gorkiidıŋ dauystaryna deiın sapaly saqtalǧan.
Batyr aǧa-apalarymyz B.Momyşūly, R.Qoşqarbaev, H.Dospanovanyŋ dauysy keler ūrpaqqa taptyrmaityn asyl qazyna deu abzal. Qazaq önerıne eŋbegı sıŋgen Qazaqstannyŋ halyq ärtısterı Ş.Aimanov, Q.Baiseiıtov, Q.Jandarbekov, Ş.Jienqūlova, G.Ǧalieva, J.Elebekov, Ǧ.Qūrmanǧaliev, N.Tılendiev, Ş.Qaldaiaqov, A.Toqpanov, T.İbragimova siiaqty sahna saŋlaqtary üntaspany qossaŋyz, sairai jöneledı. Al qazaq ädebietınıŋ tarlandary T.Jarokov, Ǧ.Müsırepov, Ǧ.Mūstafin, S.Mūqanov, Ä.Täjıbaev, S.Mäulenov, A.Toqmaǧambetov, T.Äbdırahmanovanyŋ ünderı, olardyŋ özderı jaily syrǧa toly derektı äŋgımelerı baǧa jetpes bailyq sanalady. Teatr maitalmandary S.Maiqanova, S.Qojamqūlov, Ä.Ömırzaqova, B.Rimova, A.Jolymbetov, H.Elebekova, Y.Noǧaibaev, F.Şärıpova oinaǧan spektaklder äserı öz aldyna bölek.
Kezınde öner zertteuşısı, Qazaqstannyŋ eŋbek sıŋırgen qairatkerı, belgılı küişı Jarqyn Şäkärım 1925 jyly Fransiiada üntaspaǧa tüsken Ämıre Qaşaubaevtyŋ oryndaǧan alty änın Mäskeu arhivınen «Altyn qorymyzǧa» äkelıp tapsyrdy. Al eŋ alǧaş öz oryndauyndaǧy änderdı üntaspaǧa jazyp, fonotekaǧa tüsırgen Küläş Baiseiıtova, Manarbek Erjanov jäne Ǧarifolla Qūrmanǧaliev syndy halyq ärtısterı ekenın bıreu bılse, bıreu bılmeuı mümkın. Şeteldık jäne TMD elderınıŋ fonomaterialdarynan L.Zykina, G.Ots, L. Utesov, R.Beibutov, P. Biul-Biul Oǧly, V.Obodzinskii, A.German, V.Tolkunova, E.Peha, B.Zakirov syndy tamaşa änşılerdıŋ änderın köptep kezdestıruge bolady. Bır kezderı orys muzyka redaksiiasy bolǧan kezde osy änşıler köp nasihattalatyn.
İtaliialyq opera änşılerı T.Rufo, T.Skipa, L.Pavarotti, E.Karuzo, R.Loretti, grek-amerika änşısı M.Kallas, serb änşısı, Iýgoslaviianyŋ halyq ärtısı R.Karaklaichtıŋ dauystary, sonymen qatar, Resei halyq ärtısterı F.Şaliapin, A.Ulianov änderı, S.Rahmaninov, A.Rubenşteinnıŋ tuyndylary tausylmas qazyna emes pe?. Şırkın-ai, osy ünderdı bır auyq äue tolqynynan nasihattap tūrsaq, qandai ǧanibettı ıs bolar edı.
– Ädette, Qazaq radiosynyŋ qorynda ädebi, muzykalyq jäne tarihi maǧlūmatqa toly arnaiy habarlar köbırek saqtalmai ma?
– Qazaq radiosynyŋ janynan aşylǧan simfoniialyq, estradalyq, kameralyq orkestrlerdıŋ oryndauyndaǧy şyǧarmalar künbe-kün qordy baiytty. Sonymen qatar, radionyŋ öz janyndaǧy S.Äbuseiıtov, R.Mūsabaev, Z.Qoişybaeva, G.Razieva, V.Qarmysova, E.Hasanǧaliev, N.Nüsıpjanov, L.Kesoglu syndy tamaşa änşıler är taqyryptaǧy änderdı üntaspaǧa tüsırıp, fonotekany tolyqtyrdy. Jaqynda Kesoglu özınıŋ jeke mūrasyn qorǧa äkelıp tapsyrdy.
– Eŋ alǧaş radioda şyrqalǧan ännıŋ avtory kım jäne ol qandai än?
– Almatyda radio 1931 jyly aşylyp, Qazaq radiosyn sonda alǧaş Aitbai Hangeldin basqarǧan edı. Al radionyŋ efirın Säken Seifullin söz söilep aşqan. Alǧaşqy änşısı Şärkül Äşırova Ükılı Ybyraidyŋ «Gäkku» änın oryndaǧan. Muzyka bölımınıŋ meŋgeruşısı Boris Erzakovich äue tolqynyna tıkelei än salǧan änşılerdı, küişılerdı özı rettep otyrǧan. Äigılı jeztaŋdai änşı Küläş Baiseiıtova oryndaǧan «Gäkku» änı tūŋǧyş ret elge radio arqyly taraǧany belgılı.
…Men 1990 jyly Qazaq radiosynyŋ muzyka redaksiiasyna qyzmetke ornalasqan kezderde muzykalyq konsertter san salaǧa bölınetın. Tıptı, «Altyn qordaǧy» barlyq üntaspa äue tolqynynan berıletın. Qazaqstandy älem tanyǧan qazırgı şaqta bar bailyǧymyzdy äue tolqynynan janrǧa bölıp nasihattasaq, qordyŋ baǧasy artar edı. Jabuly qazanǧa ainalǧan qordan bügınde üntaspalar öte sirek nasihattalady. Qazırgı eldı jauyr qylǧan arzanqol estradadan basqa halyqqa ūsynyp jatqanymyz şamaly.
– Qazaq radiosynyŋ «Altyn qoryn» jandandyru üşın aldaǧy uaqytta ne ısteu kerek?
– Ol üşın öŋdeuşı operatorlardy qabyldap, dybys deŋgeiın köteruge tiıspız. Qazaq radiosynyŋ basqa radiodan erekşelıgı – bızde baǧa jetpes qūndy dauystar, änder men tyŋ şyǧarmalar öte köp. Mūndaǧy ūlttyq operalarymyz ben dramalyq spektaklder äue tolqynynan üzbei berılıp tūrsa, tyŋdauşyǧa teŋdesı joq jan azyǧy emes pe? Batyrlar jyry, qissa-dastandar, «Erden ataidyŋ ertegılerı» tyŋdalatyn uaqytta nasihattalsa, nūr üstıne nūr bolar edı. El ūiyqtaǧan şaqta «Altyn qordan» asyl marjan aqtaryp jatqanymyz – halyqqa jasalǧan qiianat.
– Jer betındegı memleketterdıŋ önerı men ädebietı, muzykasy saqtalǧan bölımnıŋ qazırgı tynys-tırşılıgı jaily qysqaşa aityp berseŋız.
– Mūndaǧy fonomaterialdardy sandyq jüiege tüsırudı odan ärı jalǧastyrudamyz. Osyǧan qaramastan köptegen şeşılmegen tüitkılder joq emes. Mysaly, bırınşıden, qordaǧy fonomaterialdar ylǧaldylylyǧy men temperaturasy saqtalmaǧandyqtan, keuıp jatyr. Bölmelerdıŋ temperaturasy bırqalypty emes. Zaŋ boiynşa +8 – +18 gradusta, ylǧaldylyǧy 65 paiyzda saqtaluy kerek. Ekınşıden, söreler – aliuminiiden, plenka qoiatyn oryn kartonnan jasalǧan, būl talapqa sai emes. Negızı, fonomaterialdardyŋ bärı neferromagnittık söreler men şkaftarda saqtaluy kerek. Üşınşıden, ört qauıpsızdıgı saqtalmaǧan. Törtınşıden, fonomaterialdardy köşıretın tehnikanyŋ tozyǧy jetken, eskı.
Magnitofondar 1986 jylǧy. Odan keiıngı tehnikalar jaŋartylmaǧaly on jyl.
– Atap aitqanda, qandai tehnikalyq şaralar qolǧa alynuy tiıs?
– Bırınşı – qordaǧy fonomaterialdardyŋ ylǧaldylyǧyn, temperaturasyn saqtap tūratyn tehnikalyq qūral kerek. Ekınşıden, fonomaterialdardy saqtaityn neferromagnittık söreler men şkaftar qajet. Üşınşı – ört söndıretın, ört tūtanǧan kezde su bürketın tehnika joqtyŋ qasy. Törtınşı – jaŋa STM-610 vengr magnitofondary kerek. Besınşı – fonomaterialdardy köşıretın zamanaui tehnikalardy jaŋartu – uaqyt talaby.
– Örkeniettı elderde būl mäsele qalai şeşılgen?
– Bır ǧana Mäskeudı mysalǧa alsaq, radioda qorlar tolyqtai sifrlyq jazbaǧa tüsırılgen. Ondaǧy üntaspa saqtaityn ǧimaratta fonomaterialdar neferromagnittık sörelerdegı sandyqşalarda saqtalǧan. Sonymen qatar, ylǧaldylyǧy men temperaturasyn retteitın arnaiy avtomattalǧan qūrylǧylar bar. Sol arqyly qyzmetkerler bölmege qajettı sūranysty qamtamasyz etedı. Kıtaphanalardaǧy siiaq-
ty avtomattandyrylǧan baǧyt arqyly üntaspalar özdıgınen jyljyp, qajet jerge jetedı. Būl jerdegı qyzmetkerlerdei fonomaterialdardy belı qaiy-
syp köterıp jürmeidı eken.
Tehnikalyq direksiianyŋ jūmysty jolǧa qoimauynan bır plenkany 15-20 ret sandyq täsılge tüsırıp, bır ıstı san ret qaitalap otyrǧan jaiymyz bar.
– Tehnologiialyq tūrǧyda qor saqtau talaptary tolyq oryndalyp otyrǧan joq pa?
– Toǧyz myŋǧa juyq Mäskeu fonomaterialdary telearnanyŋ ot jaǧylmaityn jertölesıne köşırıldı. Üş sandyq täsılge tüsıretın operatorymyzdy tehnikalyq bölımge auystyrdy. Qazaq radiosynyŋ ǧimaratynan telearnanyŋ kabinetterınde otyrǧan operatorlarǧa fonomaterialdar tasylyp berıledı. Köşırılgen sapaly fonomaterialdar taǧy da jertölege qoiyluda.
«Altyn qor» fonomaterialdary 18 gradustyq jylylyqta saqtaluy kerek. Qazırgı jertölenıŋ temperaturasy oǧan mülde säikes emes. Syz ärı salqyn. Taǧy bergelı otyrǧan üş bölme de fonomaterialdardy saqtauǧa jaramaidy. Negızı, Qazaq radiosynyŋ «Altyn qory» öz ǧimaratynda qalsa deimız. Ǧimaratty jalǧa berıp aqşa tapqan jaqsy-aq, bıraq 70 jyl jinaǧan bailyǧymyzdan aiyrylu qylmys bolyp tabylady. Kezınde men TV-nyŋ jertölesıne tüskende temır qalbyrda tübıt bolyp şırıp jatqan beinetaspalardy körıp, şoşydym. Temır qalbyrda şırıse, sonda qaǧaz qoraptaǧy üntaspa qalai aman tūr? Suyq jerde plenka synady, magnittık qabaty şaşylyp qalady. Magnittık qabatta bızdıŋ qajettı dybystarymyz tūr. Osy jaǧdaiǧa men qatty alaŋdaimyn.
– «Altyn qor» bölımınıŋ ısın qorǧaityn arnaiy zaŋ qabyldau kerek dep jürsız. Mūnda ne närsege basa nazar audarǧan jön?
– «Altyn qor» fonomaterialdarynyŋ syrtqa köşırılmeuı, satylmauy jaily zaŋ şyǧaru qajet. Būl – jabyq arhiv. Öz kezınde sahna saŋlaqtary, ädebiet tarlandary altyn qorǧa mūralaryn saqtauǧa, Qazaq radiosynan nasihattauǧa tegın ötkızgen. Būl fonomaterialdardy avtorlardyŋ, sondai-aq, mūragerlerdıŋ rūqsatynsyz eşkım de paidalanuǧa qaqysy joq. Tek Qazaq radiosynyŋ äue tolqynynan ǧana nasihattaluy qajet. Sol sebepten, baǧa jetpes fonomaterialdar tıstegennıŋ auzynda, ūstaǧannyŋ uysynda ketpeuı kerek.
Äŋgımelesken
Qaraşaş TOQSANBAI,
«Egemen Qazaqstan»
