Keşe bır top jurnalister qauymy Almaty oblysynyŋ Raiymbek audanyna qarasty Kürmetı auylyna baryp, rejiser Bolat Qalymbetovtyŋ tolyqmetrajdy «Talan» körkem filmınıŋ tüsırılım barysyn körıp qaitqan edık.
Atalǧan filmdı QR Mädeniet jäne sport ministırlıgınıŋ tapsyrysy boiynşa Ş. Aimanov atyndaǧy «Qazaqfilm» kinostudiiasy öndırıske jıbergen. Bügıngı taŋda kinotuyndynyŋ jartysyna juyǧy tüsırılgen. Aldaǧy bır aidyŋ ışınde tolyqtai tüsırılıp bıtuı tiıs. Al, qalyŋ körermen nazaryna keler jyly köktemde ūsynylmaq. Jurnalistermen kezdesuge kelgen rejiser kinotuyndysy jaiynda qysqaşa äŋgımelep berdı.
BOLAT QALYMBETOV, filmnıŋ rejiserı:
- Būl menıŋ besınşı kinotuyndym. Film Täuelsızdıktıŋ 25 jyldyǧyna arnalyp tüsırılıp jatyr. Osy jobany kütkenıme 12 jyl boldy. Soŋǧy ret «Sardar» atty tarihi dramany tüsırgenmın. Odan keiın ǧalamdyq daǧdarysqa tap bolyp qalyp, jūmystyŋ bastaluy ūzaqqa sozyldy. Filmge qarajat 2014 jyly bölıngen edı. Bıraq, Qazaq handyǧynyŋ 550 jyldyǧyna arnalǧan ülken joba ıske asyryluy tiıs bolǧandyqtan, uaqytşa toqtatyp qoiǧan edım. Ekı jyldan soŋ qaita qolǧa alyp, tüsırılım jūmystaryn bastap kettık. Ükımet tarapynan bölıngen aqşa tolyqtai jetedı. Film turaly aitar bolsam, jazuşy Jüsıpbek Qorǧasbektıŋ «Qasqyr-Adam» atty şyǧarmasynyŋ jelısımen tüsırılıp jatyr. Ssenarii avtory Ǧaziz Nasyrov ekeumız. Kinony jaqsy tüsınetın adamdar būl filmge oŋ baǧasyn beredı dep senemın. Sebebı, tuyndyny jaŋa leppen, astarly oiǧa toly etıp tüsırıp jatyrmyz. Atauyn «Talan» dep özgertuımızdıŋ de özındık sebebı bar. Filmderımde oqiǧadan būryn adam taǧdyryn beinelegendı ūnatamyn. «Talan» degen sözdıŋ özı – «taǧdyr» degendı bıldıredı. Filmde 1930 jäne 1944 jyldardaǧy kezeŋ körınıs tabady. Būl uaqytta quǧyn-sürgın, aşarşylyq boldy. Bıraq film ol turaly emes. Sol kezdegı halyqtyŋ taǧdyry, bır-bırımen qarym-qatynasyn körsetkım keldı. Sol sebeptı, kürdelı filosofiialyq tuyndy şyǧuy tiıs. Ärı tüsırılım alaŋy retınde şalǧai jerdı taŋdaǧanym da kezdeisoq emes. Adam men tabiǧat arasynda üilesım boluy maŋyzdy. Sol üşın de osy auyldy taŋdadym. Äzırge filmnıŋ 40 paiyzy tüsırılıp bıttı. Qaraşada jūmysty aiaqtaudy josparlap otyrmyz. Al 2017 jyldyŋ nauryz aiynda elımızdıŋ barlyq kinoteatrlarynan köre alasyzdar. Filmge tüsken akterler qatarynda Erık Joljaqsynov, Şynar Janysbekova, Erjan Nūrymbet, Ūlan Nüsıpälı, Oŋdasyn Besıkbasov, Asan Mäjit, Jasūlan Äitenov jäne taǧy basqalar bar.
ŪLAN NÜSIPÄLI, akter: 
– Menıŋ būl filmde somdaityn keiıpkerım – Şükır esımdı ökımet adamy, milisiia qyzmetkerı. Öz rölımdı özım de tolyqtai bılmeimın. Rejisserdıŋ özındık ädıs-täsılı basqalardan özgeşe. Ssenariidı tolyq oqytpaidy. Barlyq tapsyrmany uaqynda berıp, tüsındıredı. Tüsırılım barysynda sözımızdı qaitalap, äreketke köşemız.
JASŪLAN ÄITENOV, akter:
– Kinoǧa alǧaş ret tüsıp jatyrmyn. Şolpan (surette) esımdı dosymnan qazırgı oinap jatqan rölıme kasting bolyp jatqanyn estıgennen keiın, oǧan qatysyp, Bolat aǧanyŋ şeşımımen akterler qūramyna qosyldym. Somdaityn rölım – Kerım esımdı jıgıt. Ol aşarşylyq kezınde ata-anasynan airylyp, taǧdyry öte auyr hälde bolǧan kısı.
– Menıŋ būl filmde somdaityn keiıpkerım – Şükır esımdı ökımet adamy, milisiia qyzmetkerı. Öz rölımdı özım de tolyqtai bılmeimın. Rejisserdıŋ özındık ädıs-täsılı basqalardan özgeşe. Ssenariidı tolyq oqytpaidy. Barlyq tapsyrmany uaqynda berıp, tüsındıredı. Tüsırılım barysynda sözımızdı qaitalap, äreketke köşemız.
JASŪLAN ÄITENOV, akter:
– Kinoǧa alǧaş ret tüsıp jatyrmyn. Şolpan (surette) esımdı dosymnan qazırgı oinap jatqan rölıme kasting bolyp jatqanyn estıgennen keiın, oǧan qatysyp, Bolat aǧanyŋ şeşımımen akterler qūramyna qosyldym. Somdaityn rölım – Kerım esımdı jıgıt. Ol aşarşylyq kezınde ata-anasynan airylyp, taǧdyry öte auyr hälde bolǧan kısı.
Jasūlan NAURYZÄLİEV,
"ADYRNA".
