Bır aidyŋ ışınde barlyq partiialar özderınıŋ sezderın ötkızdı. 2020 jyldyŋ 5 qaraşasynda «Bırlık» partiiasynyŋ saiasi keŋesı özınıŋ atauyn özgertu turaly şeşım qabyldady. Partiianyŋ jaŋa atauy - «Adal». 2020 jyldyŋ 11 qaraşasynda Qazaqstan kommunistık halyq partiiasynyŋ XV kezekten tys sezınde partiianyŋ rebrendingı jariialandy – «Qazaqstan Kommunistık Halyq partiiasy» atauyn «Qazaqstannyŋ halyq partiiasy» dep özgertu turaly şeşım qabyldandy. 18 jäne 25 qaraşada «Auyl» jäne «Nur Otan» partiialary özderınıŋ sezderın ötkızdı. 2020 jylǧy 27 qaraşada Jalpyūlttyq sosial-demokratiialyq partiia (JSDP) sailauǧa qatyspaityny turaly şeşımın jariialady.
JSDP sezınen keiın sailau prosesıne qatysuşy partiialar sany beseu boldy: «Aq jol» Demokratiialyq partiiasy, «Auyl» Halyqtyq-demokratiialyq partiiasy, «Adal» partiiasy, «Qazaqstannyŋ halyqtyq partiiasy», «Nur Otan» partiiasy.
«Qoǧamdyq pıkır» zertteu instituty partiialyq reitingterdıŋ kezektı bölımın ūsynady. Saualnama instituttyŋ jeke qarajatyna 2020 jyldyŋ jeltoqsan aiynyŋ bırınşı aptasynda sūhbat türınde (face-to-face) ötkızıldı, reprezentativtı ırıkteme boiynşa 1200 respondentke saualnama jürgızıldı, qatelık +/- 2,82%-dy qūrady. Zertteu geografiiasy: Qazaqstan Respublikasynyŋ 14 oblysy, Nūr-Sūltan, Almaty, Şymkent qalalary.
«Eger sailau jaqyn jeksenbıde ötetın bolsa, onda Sız qai saiasi partiiaǧa dauys beretın edıŋız?» sūraǧyna respondentter kelesı jauap nūsqalaryn berdı: «Nur Otan» - 72,5%, «Auyl» - 6,0%, «Aq jol» - 5,5%, «QHP» - 4,7%, «Adal» - 2,5%. Respondentterdıŋ 8,8%-y jauap beruge qinaldy.
Parlament Mäjılısınıŋ sailauyna bır ai qaldy. 10 qaŋtardan bastap partiialar halyq arasynda ügıt-nasihat jūmystaryn belsendı jürgıze bastaidy, osylaişa aldaǧy ai şeşuşı bolady. Sailau qarsaŋynda ötkızıletın saualnama nätijelerın qaŋtardyŋ basynda jariialaimyz.
Ainur Majitova, «Qoǧamdyq pıkır» zertteu institutynyŋ direktory, äleumettık ǧylymdar magistrı
