Jemqorlarǧa qandai tyiym salynady?

Qazaqstanda sybailas jemqorlyq qylmysyn jasaǧan adamdy kvazimemlekettık sektor subektılerıne jūmysqa ornalastyruǧa tyiym salynbaq. Būl turaly QR Sybailas jemqorlyqqa qarsy ıs-qimyl agenttıgı töraǧasynyŋ keŋesşısı Anar Jarova aitty, dep habarlaidy «Adyrna» ūlttyq portaly QazAqparat tılşısıne sılteme jasap. «Kvazimemlekettık sektorda memlekettıŋ eleulı aqşa aǧyndary men aktivterı şoǧyrlanǧan, sondyqtan būl jerde sybailas jemqorlyq körınısterınıŋ aldyn alu mäselelerı Antikordyŋ jıtı nazarynda. Biyldyŋ basynan berı sybailas jemqorlyq qylmystaryn jasaǧany üşın kvazimemlekettık sektordyŋ 83 lauazymdy tūlǧasy anyqtaldy. Onyŋ ışınde 51-ı ärtürlı därejedegı basşylar (20-sy respublikalyq, 21-ı oblystyq, 10-y qalalyq jäne audandyq deŋgeidegı). Osy jyldyŋ qaŋtar aiynan bastap memlekettıŋ kez kelgen qatysu ülesı bar kvazimemlekettık sektordyŋ lauazymdy tūlǧalary sybailas jemqorlyq subektılerıne jatqyzylǧanyn atap ötken jön. Tiıstı özgerıster Qylmystyq kodekske engızıldı», - dedı A. Jarova onlain brifingıde. Aita keteiık, eger būryn qatysu ülesı 50 paiyz jäne odan joǧary kompaniialar ǧana sybailas jemqorlyq subektılerı bolsa, qazır onyŋ auqymy aitarlyqtai keŋeidı. Iаǧni, kompaniiada memlekettıŋ qatysuynyŋ 1 paiyzy bolsa da, mūndai kompaniialardyŋ lauazymdy adamdary sybailas jemqorlyq baptary boiynşa jauapqa tartylatyn bolady. «Sybailas jemqorlyqqa qarsy ıs-qimyl turaly» Zaŋǧa säikes memlekettıŋ kez kelgen qatysu ülesı bar kompaniialarda ūiymdastyruşylyq-ökımdık jäne äkımşılık-şaruaşylyq funksiialary bar adamdar osyndai lauazymdy adamdardyŋ qataryna jatady. Jaqynda būl sanatqa biudjetten jäne Ūlttyq qordan qarjylandyrylatyn jobalardy ıske asyruǧa jäne satyp aluǧa jauapty kvazimemlekettık sektor subektılerındegı qūrylymdyq bölımşelerdıŋ basşylary da kırdı. «Aiyppūl, şekteu nemese bas bostandyǧynan aiyru türındegı negızgı jazadan basqa, mülkı tärkılenıp, belgılı bır lauazymdardy atqaru nemese belgılı bır qyzmetpen ainalysu qūqyǧynan ömır boiyna aiyru türındegı qosymşa jaza taǧaiyndalatyn bolady. Kvazimemlekettık sektordaǧy sybailas jemqorlyq üşın jauapkerşılıktı küşeitetın taǧy da bırqatar tüzetuler qazır Parlamentte qaraluda», - dedı A. Jarova. Onyŋ sözıne qaraǧanda, Eŋbek kodeksıne sybailas jemqorlyq qylmys jasaǧan adamdy kvazimemlekettık sektor subektılerıne jūmysqa ornalastyruǧa tyiym salu bölıgınde tüzetuler engızu eskerılıp otyr. Qoldanystaǧy zaŋnamaǧa säikes, mūndai şekteu basqaruşylyq funksiialardy oryndaumen bailanysty lauazymdarǧa tüsuge ǧana qatysty.