Búgin Aqtóbe oblysynyń ákimi Ońdasyn Orazalın «Paryz» konkýrsynyń úzdikterin marapattady. Halyqtyń ál-aýqatyn odan ári jaqsartý maqsatynda jeke kásipkerlik sýbektileriniń qoǵam aldyndaǵy korporatıvtik áleýmettik jaýapkershiligin qalyptastyrýshy kásiporyndardy anyqtaýǵa baǵyttalǵan konkýrs 2008 jyldan bastap respýblıkanyń barlyq óńirlerinde dástúrli túrde ótkizilip keledi. Bıyl saıysqa oblystaǵy 28 kásiporyn ótinim bildirgen. Qatysýshylardy oblys ákiminiń orynbasary Rýslan Hambarov tóraǵasy bolyp tabylatyn komıssııa quramy anyqtaǵan. Nátıjesinde «Úzdik áleýmettik jaýapty kásiporyn», «Eńbekti qorǵaý salasyndaǵy úzdik kásiporyn» , «Úzdik ujymdyq shart» nomınaııalary boıynsha «Qazhrom TUK» AQ fılıaly Aktóbe ferroqorytpa zaýyty, «QazTransOıl» AQ Aqtóbe munaı qubyry basqarmasy, «Sagız Petroleým Kompanı» JShS, «PO Global-Speodejda» JShS, «Qobda Jer» , «Smaǵul» «Rassvet» «Qýan» JShS-gi sharýa qojalyqtary jeńimpaz dep tanyldy. Ońdasyn Orazalın óńirdiń áleýmetin arttyrýǵa, turǵyndardy turaqty jumyspen qamtamasyz etýge at salysqan kásiporyn basshylaryna rızashylyǵyn bildirip, alǵys hat pen qarajylaı syılyq tabystady.
