Ákesi Aıshany segiz jasynda bolashaq kúıeýimen atastyrǵan. Osylaısha ózara janjaldasqan eki áýlet bitimge kelip, qudandasqan bolatyn. Úlkender sheshimimen Aısha Ýrazgan provınııasyna uzatylady. Úılený toıy deıin bolashaq kúıeýiniń otbasymen eki jyl birge turǵan. Kúıeýi 10 aǵaıyndy úlken áýlet bolatyn.
Ejelgi dushpan el bolmas dedi me eken belgisiz, áıteýir Aıshany qaıyn jurty onsha jaratpady. Shynashaqtaı qyzdy otyrsa opaq, tursa sopaq qylýmen boldy. Aıshany erinbegeniń bári aıaýsyz soqqylaıtyn. Osynsha azaptaýǵa tózbegen Aısha bir kúni qashýǵa bel býdy. Biraq bul oıy sátsiz aıaqtalyp, qýǵynshylardyń qolyna túsedi.
Mundaı qylmysy úshin qashqyn qyz Qandaǵardaǵy áıelder túrmesine úsh jylǵa qamalatyn edi. Aıshany qaıyn jurty alty aıdan keıin ákesine ákelip tabystaıdy. Qatygez áke baqytsyz qyzyna jany ashýdyń ornyna, áýlet abyroıyn aırandaı tókti dep kúıeý balasyna jazalaýǵa erik beredi.
Jergilikti sot Aıshanyń murny men qulaǵyn kesý arqyly jazalaýdy uıǵarady. Kúıeýi qyzdy baýyrlarynyń biriniń kómegimen taýǵa alyp baryp, óziniń qorqynyshty josparyn júzege asyrady. Baýyry jasóspirimdi tyrp etkizbeı ustap, kúıeýi qyzdyń tanaýyn kesip tastaıdy. Qansyraǵan qyz esinen aýyp, sol jerde qımylsyz qalady. Óledige sanap kúıeýi baýyrmen birge jónine ketedi.
Biraq beıshara qyzdyń kórer jaryǵy bar eken. Taý basynda qanǵa bógip jatqan ony amerıkandyq soldattar taýyp alady. Uzaq ýaqyt boıy Aıshanyń qujattary bolmaǵandyqtan ony shtattarǵa aparý múmkin bolmaıdy. Jasóspirimdi áskerıler Kabýlda jasyryn jerde ustaıdy. Tamyz aıynda ǵana Aıshanyń qujattary rettelip, Amerıkaǵa jetkizilgen.
***
Boıjetkenge eshqandaı plastıkalyq ota jasalynbaǵan. Keshe ol Los-Andjeleste jańa júzimen kópshilik aldyna shyqty.
***
P.S.: Bul AQSh medıınasynyń damýynyń tańǵajaıyp kórsetkishine tańqalmasqa shara joq. Bolashaqta Qazaqstanda da osyndaı damyǵan medıına bolaryna seneıik. Mınıstr Kım jynys aýystyrýdan bastaǵaly jatyr ǵoı. Orys tilinen aýdarǵan: Aıbar Abaıuly.
Bekbolat Qarjannyń Facebook paraqshasynan.
Foto ashyq derekkózden alyndy.
