«Soltústik Qazaqstan – orystyń jeri» dep jazylǵan banner Máskeýdegi Qazaqstan elshiliginiń qaqpasyna ilingen dep habarlaıdy «Adyrna» ulttyq portaly reseılik «OVD-Info» basylymyna silteme jasap.
«Qazaqstan elshiliginiń aldynda «Patrıot» qozǵalysynyń múshesi Anton atty azamat ustaldy. Bul týraly Antonnyń joldastary habarlady. Antonnyń dostarynyń aıtýynsha, polıeıler ony elshilikten aýlaqqa alyp ketken. Baılanystan ajyraǵan. Antondy «Soltústik Qazaqstan – orystyń jeri» degen banner úshin ustap áketýi múmkin degen boljam bar» dep kórsetilgen habarlamada.
Bul jaǵdaı 11 jeltoqsanda bolǵan. Al kelesi kúni «Bolshaıa ıgra» baǵdarlamasynda Dýma depýtaty V.Nıkonov Qazaq qoǵamyn dúrliktirer dúnıeni aıtyp sandyraqtap edi. Munyń barlyǵy jaı ǵana sáıkestik pe, álde aldyn-ala daıyndalǵan shoý ma? Ázirge belgisiz. Reseılik basylym Antonnyń keıinirek bosatylǵanyn habarlady.
