Eı, jemqor-paraqor bılik! Esýas nıkonovtar men pýtınderge jaýap berý úshin qazaqty ońtústikten soltústikke kóshirýdiń demografııalyq jobasyn Reseıden jasyrmaı, ashyq saıasatqa kóshý kerek! Eń bastysy - bul baǵdarlamaǵa bólinetin qarjyny eselep arttyryp, ony talan-tarajǵa salýdy toqtatý qajet! Memleketke qaıtarylǵan, ıgerilmeı jatqan jerdi agrofırmalarǵa emes, jeke kóship kelýshi otbasylarǵa eshqandaı aýkıonsyz bólip berý qajet. 1000 gektar jerdi ıelenetin bir agrofırmanyń ornyna, 100 otbasyǵa bólip berý - soltústikke qazaqty jappaı qonystandyrý jobasyn júzege asyrýdyń eń tıimdi joly bolsa kerek (basqa da áleýmettik-turmystyq jeńildikterden tys).
Ekinshiden, ult patrıottary jıi kóterip júrgen Eýroazııalyq ekonomıkalyq odaqtan shyǵýdyń qoǵamdyq bastamasyn astyrtyn qoldaý jobasyn jasaý qajet. Reseılik ımperııalyq-shovınıstik ozbyrlyqqa qarsy qazaq jigitteri ótkizetin mıtıngiler men saıası akııalardy qýdalaýdy toqtatý kerek. Elde jappaı narazylyq akııasyn ótkizýge ymyrashyl ókimettik yqpal jasaǵan abzal bolady!
Úshinshiden, Túrki elderi qaýymdastyǵyn (odaǵyn) qurý jónindegi qoǵamdyq bastamany memlekettik saıasattyń deńgeıine kótergen jón. Tanymal tulǵalardy tartý arqyly "Biregeı túrki álemi" qaýymdastyǵyn qurýdyń, ony qaltarys qarjylandyrýdyń qoryn qurý kerek (Reseıdegi "Derjava" qoryna uqsas. Ol úshin "Derjavanyń" qurylýy men jumysyna muryndyq bolǵan Konstantın Zatýlın sııaqty bilimdar, ultshyl, otanshyl, memleketshil qazaq jigitin sol qaýymdastyqqa jetekshi etý kerek).
Tórtinshiden, óte qysqa merzimdik jáne jýyq aradaǵy antıreseılik jospardy júzege asyrý úshin, Astana men Túrkistan qurylys jobalaryna bólingen qyrýar qarjy esebinen Túrkııanyń bir-eki "Baıraqtar" drondyq kompleksin satyp alyp, túrik ofıerleriniń qatysýymen shuǵyl túrde "Severnyı ıt" áskerı-taktıkalyq jattyǵýyn ótkizý kerek. Ony TVlar men áleýmettik jeliler arqyly keńinen nasıhattaý (jarnamalaý) qajet.
Basqa qandaı usynystar aıtasyz?
PS.Boldy! Reseıdiń shamyna tıip almaıyq dep, "kótti qysyp"))) júretin buralqy saıasattyń sheńberinen shyǵa bastaý kerek. "Buǵa berseń, suǵa berediniń" kebi kelgenine ábden kóz jetti. Endi (ázirge) qoǵamdyq bastamalar arqyly azý kórsetetin kez keldi! Reseıge qatysty budan arǵy saldaqy saıasat Qazaqstannyń terrıtorııalyq tutastyǵyna ǵana emes, memlekettiń táýelsizdigine katastrofalyq qater tóndiredi!
Ermurat BAPI.
Jazba avtordyń Facebook paraqshasynan alyndy.
