Erıktıler – jüregı «el dep soqqan» erkın ūlandar

Memleket basşysy Qasym-Jomart Toqaev volonterler jylynyŋ jabylu räsımınde söz  söiledı. Aita ketu kerek, Prezident Qasym-Jomart Toqaev eldegı volonterlık ūiymdy damytu maqsatynda 2020 jyldy erıktıler jyly dep jariialaǧany mälım. Elbasy jariialaǧan Jastar jylynyŋ zaŋdy jalǧasy retınde bolǧan erıktıler jyly şyn mänınde elge qamqor, qaiyrymdy azamattardyŋ öte köp ekendıgın körsettı. Şyndyǧynda da köpke kömek körsetu, qysylǧan janǧa qol ūşyn beru qazaq halqynda būrynnan bar närse. Atap aitar bolsaq, asarlatyp kömek jasap, aǧaiynnyŋ üiın salu nemese qolǧabys jasau älımsaqtan ūltty ūiystyrǧan igı qadam.  Būl jaqsy ürdıs zaman örkendegen saiyn jaqsaryp, igı ıske ainalyp keledı. Rasy kerek, azamattyq qoǧamdy damytuda erıktıler ūiymy eldıŋ ruhyn köterdı. Azamattyq qoǧamdy damytudyŋ 2025 jylǧa deiıngı qabyldanǧan tūjyrymdamasynda da elımızde erıktıler qozǧalysyn damytu jäne qaiyrymdylyq şaralaryn ūiymdastyru jäne olardy yntylandyru maqsatynda ırgelı şaralar jürgızıldı. Rasy kerek, pandemiia jailaǧan uaqytta da volonterler qysylǧan azamattardyŋ janynan tabyldy. Syrqat jandarǧa kömektestı. Qol ūşyn berdı.Kömektestı. Mūny memleket basşysy Qasym-Jomart Toqaev volonterler jylynyŋ jabylu räsımınde söilegen sözınde naqty aitty. –Erıktıler jyly jalyndy jastarymyzdyŋ boiyndaǧy eŋ asyl qasietterdı därıptegen erekşe jylǧa ainaldy. Būl janaşyrlyqqa, jauapkerşılık pen qamqorlyqqa ündegen kezeŋ boldy. Bız mūqtaj jandarǧa qol ūşyn berıp, türlı qiyndyqtarmen bırge kürestık. Osylaişa, adamgerşılık qūndylyqtardy joǧary baǧalaityn qoǧam ekenımızdı tanyttyq. Älemdı jailaǧan ındet qaiyrym men meiırımnıŋ qanşalyqty maŋyzdy ekenın anyq körsettı.Sondyqtan, Volonter jylynyŋ däl biyl ötuı uaqtyly jäne oryndy boldy dep sanaimyn. Qauıptı dert el-jūrttyŋ densaulyǧyn ǧana emes, bekem bırlıgın de synǧa aldy.  Bız bır el, bır halyq bolyp būl synǧa tötep berdık. Auqymdy jūmystar atqaryp, köptegen jobany jüzege asyrdyq. Barlyq aimaqta aşylǧan Erıktılerdıŋ front-ofisterınde maŋyzdy bastamalar köterıldı. Būl jūmysqa myŋdaǧan azamattarymyz atsalysty. Otanǧa qyzmet etudıŋ ozyq ülgısın körsettı. Rasynda, jany taza adam ǧana volonter bola alady. Erıktıler – özgenıŋ mäselesın öz ısındei köretın jüregı keŋ, nietı dūrys jandar.Bızdıŋ elımız däl osyndai azamattardan kende emes. Sızderdıŋ qoǧam üşın jasaǧan paidaly ısterıŋız, köpşılıktıŋ ystyq yqylasy  men aq batasy – sonyŋ aiqyn dälelı. Ärqaisyŋyz – şynaiy qūrmetke laiyqty naǧyz otanşyl azamatsyzdar. Mūny eş kümänsız, nyq senımmen aituǧa bolady. Sol sebeptı, menıŋ Jarlyǧymmen köptegen volonterler «Halyq alǧysy» medalımen marapattaldy»,-dedı memleket basşysy Qasym-Jomart Toqaev. Anyǧyn aitsaq, memleket basşysynyŋ tapsyrmasy boiynşa jasalǧan erıktılerdıŋ  «Sabaqtastyq». «Saulyq»,  «Taza älem», «Asyl Mūra», «Qamqor», «Bılım», «Ümıt» baǧyty boiynşa jasaǧan kömegı eresen boldy. Osyǧan orai biylǧy jyly  erıktılerdıŋ sany ekı esege artyp, 100 myŋǧa jettı. Pandemiianyŋ kezınde olardyŋ sany 500 myŋnan asty. Joǧaryda atap körsetılgen jetı baǧyt boiynşa bır jyldyŋ ışınde  18 qoldau ortalyǧy, 6 myŋ daiyndyq ortalyǧy aşyldy. 2 myŋnan asa şara ötkızılıp, 1 millionnan astam adamǧa kömek körsetıldı. Pandemiia uaqytynda 3,5 myŋnan astam volonter -medikter, notariuster, advokattar jäne zaŋ fakultetınıŋ studentterı azamattarǧa qūqyqtyq tūrǧydan tegın zaŋdyq keŋes berıp, qoldau körsettı. Memleket basşysy Qasym-Jomart Toqaev volonterlerdıŋ jylynyŋ jabylu räsımınde söilegen sözınde erıktıler ūiymy men qaiyrymdylyq qorlarynyŋ zaŋdyq märtebesı joq ekendıgın aita kelıp, ««Menıŋ tapsyrmam boiynşa «Qaiyrymdylyq turaly» arnaiy zaŋ äzırlenıp jatyr,- dedı. Osyǧan bailanysty Prezident ükımetke bırqatar tapsyrmalar berdı.  Atap aitqanda, qaiyrymdylyq qorlarynyŋ jūmysy qalyptasu üşın alǧaşqy jyly jeŋıl nesie berudı şeşu kerek. Volonterlık ūiymdarǧa memleket jäne  biznes tarapynan qoldau körsetken läzım. Sondai-aq qaiyrymdylyq qorlary qyzmetınıŋ aşyqtyǧyn qamtamasyz etu üşın  olardyŋ resstrın engızu mäselesın şeşken dūrys. Sonymen qatar, erıktıler ūiymy jūmysynyŋ kökjiegın keŋeitu üşın arnaiy granttar bölgen jön. Memleket basşysy erıktıler ūiymyna jastar ǧana emes, aǧa ūrpaq ökılderı de belsene qatysyp jatqanyn aita kelıp, volonterlık qyzmettı qoldaudyŋ bıryŋǧai standartyn  jasaudy tapsyrdy. Rasyn aitu kerek, volonterler jyly şyndyǧynda da  tabysty aiaqtaldy. «Adamzattyŋ bärın süi» bauyrym»,- dep aqyn Abai atamyzdyŋ danalyq sözınıŋ aqiqaty aiqyn körındı. Bır ǧana mysal,  «Qoǧamdyq baqylau» respublikalyq tobynyŋ üilestıruşısı Saida Taukeleva volonterler jylynda tabysty jūmys ıstegenın aitady. Derekpen söilesek, «Qoǧamdyq baqylau» Saida Taukelevanyŋ toby Qazaqstannyŋ barlyq aimaǧynda tynymsyz jūmys ıstegen.  Pandemiia kezınde olar Qazaqstanǧa kelıp tüsıp jatqan gumanitarlyq kömektıŋ taratyluyna baqylau jürgızgen. Osyǧan orai olar 5 myŋnan astam monitoringtık şaralar ötkızgen körınedı. Taǧy bır mysal,  Prezident atap körsetken «Birgemiz:umit» jobasy aiasynda ız-tüssız ketken qazaqstandyq 566 sarbazdyŋ esımı anyqtalǧan. Joba aiasynda erıktıler 1 myŋnan asa joǧalǧan azamattardy ızdeuge atsalysqan. Volonterler habarsyz ketken 50 adamdy tabuǧa kömektesken. Bızdıŋ erıktıler Qazaqstanda ǧana emes, BŪŪ damytu baǧdarlamasy jūmysy aiasynda İordaniia, Keniia jäne Türkiia elderınde de jūmys ıstegenı mälım boldy.  Mysaly, «Erıktıler ligasy» qoǧamdyq ūiymynyŋ jetekşısı Aisūlu Erniiazova  erıktıler jylyn jariialap, jūmystyŋ būqaralyq sipat aluyna kyqpalyn tigızgen memleket basşysy Qasym-Jomart Toqaevqa alǧysyn bıldıredı. Onyŋ sözıne sensek, ärbır segızınşı qazaqstandyq erıktıler qataryn toltyryp tūr. Ras, azamyttyq qoǧamdy damytuda erıktılerdıŋ eŋbegı eren. Jany qysylǧan jannyŋ jüregı meiırım men ızgılıktı ızdeidı. Al jaqsy adamdar ainalaŋyzda tolyp jūr. Solardyŋ bırı – erıktıler toby. Olar adamzatty «bauyrym» dep süiedı. Erıktıler erıgıp jürgen joq. Olar jan-tänımen elge kömektesıp jür.