Täuelsızdık künı merekesıne orai Alǧa, Temır, Baiǧanin audandarynyŋ eldımekenderıne kögıldır otyn kırgızıldı. Oblys äkımı Oŋdasyn Orazalin gazben qamtylǧan Saryqobda, Aqsai, Jarly auyldarynda bolyp tūrǧyndardyŋ quanyşymen bölıstı.
“Men ünemı aǧa buyn ökılderımen kezdeskende Keŋes däuırın eske tüsıremın. Düniedegı eŋ myqty memleket bola tūra auyldyq jerlerımızge gaz, su kırgızılmedı. Būl jetıstıkterge qasiettı Täuelsızdıgımızge qol jetkızgennen keiın ǧana mümkındık bolyp otyr. Memleket basşysynyŋ tūrǧyndardyŋ äl-auqatyn jaqsartu qajettıgı turaly tapsyrmasyna säikes öŋır halqyna barynşa qolaily jaǧdai jasau mındetımız, quanyştaryŋyz qūtty bolsyn”,-dedı Oŋdasyn Orazalin.
Öŋır basşysynyŋ būl sözderın tolyqtai qoldaǧan auyl aqsaqaldary keler ūrpaq üşın atqarylyp jatqan igı ısterge alǧys bıldırıp, qazaq elınde auyzbırşılık bolsyn dep bata berdı. Aimaq basşysy gaz qūbyryn resmi türde ıske qosyp, kögıldır otynnyŋ tūtynuşylarǧa jetkendıgın qarau maqsatynda tūrǧyndardyŋ şaŋyraǧynda boldy.
Qazırgı taŋda oblys halqynyŋ 90,8% kögıldır otynmen qamtamasyz etılgen.
2020 jyly 3,4 mlrd.teŋge bolatyn gazben jabdyqtau jobalary ıske asyryluda, öz kezegınde atalǧan jobalar 10 myŋnan astam halqy bar 13 eldı mekendı gazben qamtamasyz etuge mümkındık beredı. Osylaişa, 2020 jyldyŋ soŋyna deiın oblys halqynyŋ 91,4% gazben qamtamasyz etıletın bolady. 2021 jyly jalpy qūny 1,8 mlrd. teŋgege gazben jabdyqtau jobalary ıske asyrylatyn bolady, būl 6,4 myŋ halqy bar 10 eldı meken. Sonymen qatar, 2021 jyly 9,9 mlrd.teŋgege 5 jobany ıske asyrudy bastau josparlanuda.
Oblys basşysy äleumettık nysandardyŋ aşyluyna qatysty. Şūbarqūdyq kentınde dene şynyqtyru - sauyqtyru keşenı paidalanuǧa berıldı. Ekı qabattan tūratyn ǧimarat “Temır balalar- jasöspırımder sport mektebınıŋ menşıgınde bolmaq. Mūnda 600- den astam bala boks, dziudo, qazaqşa küres, futbol t.b sport türlerımen ainalysady. Aimaq basşysy sport nysanyn aralap, jabdyqtarmen tanysty. Oŋdasyn Orazalin jaŋa ǧimarattyŋ aşylu qūrmetıne sporttyq jabdyqtar aluǧa sertifikat tabystady. Qūny 450,7 mln tg salynǧan keşendı salu jūmystary ötken jyly bastalyp 2020 jyly aiaqtaldy. Taǧy bır dene şynyqtyru-sauyqtyru keşenı Baiǧanin audanynda da el igılıgıne berıldı. Bır mezgılde myŋǧa juyq adamdy qabyldauǧa qauqarly sport nysanynda oiyn alaŋy, bassein, küres zaly, jattyǧu zaldarymen qamtylǧan. Ol üşın 299,5 mln teŋge qaralǧan. Zamanaui ülgıdegı sport keşennıŋ qürylysy 2019 jyly bastalyp, biyl aiaqtaldy.
Öŋır basşysy jaŋadan salynyp jatqan audan äkımdıgı ǧimaratynyŋ qūrylysymen tanysty.
Qūrylysy biyl bastalǧan nysan jūmysyna 268,1 mln teŋge qaralǧan. 2021 jyldyŋ tamyz aiynda aiaqtalu josparda. Uaqytşa jūmys orny qūrylyp, onda 22 azamat jūmysqa ornalasty.
Oŋdasyn Orazalinge Baiǧanin audanynyŋ äkımı “Auyl el besıgı”,” JQJK” memlekettık baǧdarlamalary arqyly atqarylǧan jūmystardy tanystyrdy.
Oblys äkımı Baiǧanin audanynyŋ äkımı Qairat Otarovqa, Temır audanynyŋ äkımı Joldas Batyrhanǧa, Alǧa audanynyŋ äkımı Mamyrǧali Aqqaǧazovqa bolaşaǧy bar auyldyq eldımekenderdı kögıldır otyn, su közderımen qamtudy belsendı jürgızudı, investisiialyq jobalardy jüzege asyryp, jūmys oryndaryn köbeitudı tapsyrdy.
