«JAC Ѕunray» markaly soŋǧy ülgıde jabdyqtalǧan 15 bırlık reanimobil avtokölıkterı Aqtöbe oblysyna qarasty barlyq audandyq auruhana mekemelerıne berıldı. Bügın oblys äkımı Oŋdasyn Orazalin audandyq auruhanalardyŋ bas därıgerlerımen kezdesıp, sanitarlyq avtotransporttyŋ kıltterın tabystady.
“Memleket basşysynyŋ tapsyrmasyna sai, Ükımet basşylyǧy, jergılıktı atqaruşy organ azamattarymyzdy qauıptı ındetten aman alyp qalu üşın tiıstı şaralardy qabyldap, qarajat böldı. Eşqaşan bolyp körmegen mūndai derttıŋ auyrtpalyǧy barlyǧyna oŋai soqpady, degenmen täjıribelı därıgerlerımızdıŋ arqasynda nauqastardyŋ densaulyǧyn qalypqa keltırdık. Eŋbegıne adal aq halatty jandarǧa alǧys bıldıremın”,-dedı Oŋdasyn Orazalin.
Aqtöbe oblysynda 341 sanitarlyq avtokölık bar. 2020 jyly jergılıktı biudjetten 239,4 mln. teŋgege UAZ sanitarlyq avtokölıgınıŋ 24 bırlıgı jäne FORD markaly 1 neonataldy reanimobil satyp alyndy.
Būdan basqa, qarjy lizingı arqyly 41 reanimobil, onyŋ ışınde 19 bırlık Hyundai H-350 markaly reanimobil, 20 «JAC Ѕunray» reanimobil jäne 2 UAZ Profi reanimobil alyndy
Bügıngı ıs-şarada audandardyŋ medisinalyq käsıporyndaryna 15 bırlık sanitarlyq avtokölık berıldı. 2021 jyly jergılıktı biudjet arqyly oblystyŋ medisinalyq käsıporyndary üşın 21 sanitarlyq avtokölık satyp alu josparlanǧan.
Oblys äkımı şaradan soŋ, Aqtöbe medisinalyq ortalyǧynda aşylǧan kardioreanimasiia- kardiologiia bölımınıŋ jūmysymen tanysty. Pandemiianyŋ örşuı mümkın qauıptılıgıne bailanysty aşylǧan bölımde covid-19 infeksiiasyn jūqtyrǧan qosymşa jürek talmasymen auyratyn nauqasqa şūǧyl kömek körsetıletın bolady.36 orynǧa arnalǧan medisinalyq bölımde Germaniia, Japoniiadan jetkızılgen qajettı qūrylǧylarmen jabdyqtalǧan.
