Reseılik belgili jýrnalıst jáne "Eho Moskvy" radıostanııasynyń bas redaktory Alekseı Venedıktov Memlekettik Dýmanyń depýtaty Vıacheslav Nıkonovtyń Qazaqstan aýmaǵy týraly málimdemesine qatysty pikir bildirdi, - dep habarlaıdy "Adyrna" ulttyq portaly Tengrinews.kz tilshisine silteme jasap.
Jýrnalıst radıostanııanyń tikeleı efırinde jáne YouTube-te habar taratý kezinde Nıkonovtyń sózderine pikir bildire otyryp, keıbireýler "bul týraly sóılesýge daǵdylanǵanyn" aıtty.
"Biraq Nıkonov ol Nıkonov emes qoı. Ol, birinshiden, Memlekettik Dýmanyń depýtaty. Ekinshiden, basqarýshy partııanyń qyzmetkeri jáne komıtet tóraǵasy. Úshinshiden, Rıbbentroppen aýmaqty qaıta bólýmen aınalysqan Molotovtyń nemeresi.
Sondyqtan bul men úshin úsh ese aýyr reakııa týdyrdy. Teksermeı, qur sóıleı berýge úırenip qalǵanbyz. Jaýapsyzdyq. Bizdiń SIM (Reseı) Nıkonovtyń osy aımaqqa barǵanyna ashýlandy", - dedi Alekseı Venedıktov.
Aıta keteıik, Alekseı Venedıktovtyń ózi 2015 jyly óziniń Twitter jelisindegi paraqshasynda Qazaqstan týraly arandatýshylyq replıka jarııalaǵan bolatyn. "Qazaqstan 2025 jylǵa qaraı latyn álipbıine kóshedi. Al Soltústik Qazaqstan?" dep jazǵan edi.
