Almaty oblysy Panfilov audanynda öz qatarlastarynan zorlyq kördım degen qyz Işkı ıster ministrı men Prezidentten kömek sūraidy, dep habarlaidy «Adyrna» ūlttyq portaly Azattyq Rýhy-na sılteme jasap.
19 jastaǧy boijetken osydan ekı jyl būryn özın 6 adamnyŋ zorlaǧanyn aitady. Alaida, ekı jylǧa sozylǧan tergeu barysynda eşkım jauapqa tartylmaǧan. 2019 jyldyŋ nauryz aiynan berı ıs bırneşe ret qysqartylyp, qaitadan öndırıske alynǧan. Almaty oblysynyŋ Polisiia departamentı, oblystyq prokuratura män-jaidy bılgenımen, prosessualdyq şeşım qabyldanyp, ıs sotqa joldanbaǧan.
Jäbırlenuşı men onyŋ aǧasy Ermek Smaiylov Almaty oblystyq Polisiia departamentı men Almaty oblysy Panfilov audandyq polisiia basqarmasynyŋ äreketıne qūzyrly organdardyŋ baǧa beruın sūraidy.
Al qyzdyŋ äkesı 2018-2019 jyldary aralyǧynda zorlyq bırneşe ret bolǧanyn aitady. 2019 jyly 9 nauryzda ınısı mal qaraiyn dep qora jaqqa barǧanda, qan ızderı men müşeqaptardyŋ jatqanyn körgen. Aqyrynda üidegı 16 jastaǧy qyzdyŋ zäbır körgenı anyqtalady. 2018 jyldyŋ jeltoqsan aiy men 2019 jyldyŋ nauryz aiynda 11-synyp oquşysyn bırneşe adam qorqytu jäne bopsalau arqyly zorlap kelgen eken.
«Qyzdyŋ äkesı sol künı Panfilov audandyq polisiia bölımıne baryp aryzdandy. Aryz jazǧan künnen soŋ, tergeu bölımınıŋ bastyǧy Aidarhan Äbdırahmanov ınımdı şaqyryp alyp, «Sen kımge jala jauyp jatyrsyŋ, aryzyŋdy al, äitpese özderıŋ sottalasyŋdar» dep, ınımdı qorqytady. Sosyn auyldan şeşem habarlasqan soŋ, osy ıspen men ainalysa bastadym. Auylǧa barsam, qyzben mektep direktorynyŋ orynbasary men psiholog söilesıp otyr eken. Aqyrynda maǧan qyzdy basqa jaqqa baryp oqytudy sūrady. Al onyŋ mektep bıtıruıne 3 ai qalǧan, men qarsy boldym. Sodan ol sūraq qaitadan köterılmedı. Bızdıŋ auylda «auyl aǧasy» degen bar, bız auyldyŋ aqsaldaryn jinap, auyl aǧasyn şaqyryp, küdıktı balalardyŋ ata-analaryn şaqyryp, söilestık, aqyrynda kınälı tarap qyzdy qaralaǧan soŋ, oŋ şeşım tappady. Oǧan deiın balalardyŋ ata-analary keşırım sūrap keldı. Bıraq bız zaŋmen şeşılsın, otbasylyq abyroiymyzdy aqşamen ölşemeimız dep ūsynǧan kömekterıne qarsy boldyq», - deidı jäbırlenuşı qyzdyŋ tuysy.Ermek Smaiylov qoranyŋ aldynan tabylǧan aiǧaqtardy tergeuşıler ıske tıgıp, jäbırlenuşınıŋ aryzyn qabyldaǧanyn aitady. Advokat jaldap, Tūralina Ainūr degen tergeuşı ıstı jürgızgen. Qūqyq qorǧauşylar saraptama taǧaiyndap, bır aidan soŋ jauaby keledı degende, qylmysty ıs Almaty oblystyq tergeu basqarmasyna jıberılıptı.
«Būl bızge tüsınıksız boldy, nege oblys ortalyǧyna jıbergenınıŋ sebebın tüsındırgen joq. Bız onyŋ artynan Taldyqorǧanǧa bardyq, sol künnen bastap būrmalauşylyq bastalady. Almaty oblystyq tergeu basqarmasy basşysynyŋ orynbasary bızge eşqaida aryzdanbaudy sūrap, Nauryz meiramy ötken soŋ özımız kınälılerdı qamaimyz dedı. Sol künı saǧat keşkı toǧyz jarymda tergeu basqarmasy basşysynyŋ orynbasary Bolat Teŋızbaev qyzdyŋ anasyna öz telefonynan habarlasyp, osyndai uäde bergen. Bız sendık. Almatydaǧy Kablukov köşesındegı auruhanada ekspertiza 1 ai emes, 4 aidan soŋ daiyn boldy. Almaty oblysy Polisiia departamentı basşysy Mūrat Ūrymhanovtyŋ qabyldauyna jazylyp, män-jaidy aitqan soŋ, ekı künnen keiın ǧana arnaiy tergeuşı taǧaiyndalyp, ıs Jarkentke jıberıldı. Bıraq tergeuşı Ernar Qaltaev osy künge deiın ıstı soŋyna jetkızgen joq, eşkım qamalǧan da joq», - deidı E.İsmaiylov.Al jäbırlenuşı özın alǧaş Meirambek esımdı qatarlasynyŋ zorlaǧanyn aityp otyr. Ekeuı dos bolǧan eken. 2018 jyldyŋ jeltoqsanynda üi syrtynda jıgıt qyzdy zorlap şeşındırıp, aram oiyn jüzege asyrǧan körınedı. Al eger bolǧan jait turaly tıs jaratyn bolsa, eldıŋ aldynda masqaralaimyn dep qorqytypty. Ol kezde ekeuınıŋ de jasy 16-da bolǧan.
«Menı abyroisyz ettı, bıraq ol turaly eşkımge aitqan joqpyn. Ol WhatsApp arqyly taǧy şyǧuymdy sūrady, şyqpasam auyldyŋ balalaryna menıŋ «jaman qyz» ekenımdı aitamyn dep qorqytty. Sosyn maǧan ol aitqandai, öz erkımmen jynystyq qatynasqa tüstı degen jazbalar kelıp, auylǧa tarady. Sodan soŋ qaityp habarlaspady. Üş-tört aidan soŋ maǧan Qairat esımdı bır bala jazyp, kezdesuge şaqyryp, maŋyzdy bır aqparaty bar ekenın aitty. Bıraq men kezdesuden bas tarttym. Bıraq üş ai maǧan jazumen boldy. Sosyn men üidıŋ aulasyna şyqtym. Alaida, Qairattyŋ qasynda Meirambek bar eken, ol ekeuı 2018 jyly jeltoqsan aiynyŋ basynda kelıp, bızdıŋ üidıŋ artyndaǧy qorada öz erkımnen tys taǧy da zorlady», - deidı esımın atamaudy sūraǧan qyz.Zorlyq osylaişa bırneşe ret jalǧasqan. Bozbalalar är kelgen saiyn qyzdy üiden qorqytyp şyǧaryp alyp otyrǧan eken. Uaqyt öte olardyŋ qatary özge jıgıttermen tolyǧyp kelgen.
«Sosyn ekı-üş künnen soŋ Qairat pen Meirambek taǧy da keldı. Qairat taǧy oiyn ıske asyrdy, Meirambek ısın ıstep jatqanda, üiden mamam şyǧyp qaldy. Meirambek qaşyp kettı. Olar qorqytty. Sosyn Qairat osy oqiǧadan soŋ atamnyŋ üiıne barǧanymda taǧy bır beitanys balany alyp keldı. Onyŋ aty Syrym bolatyn. Jasy 18-de. Olar da maǧan osyndai zorlyq körsettı», - deidı jäbırlenuşı.Arym taptaldy degen boijetken Prezident Qasym-Jomart Toqaevtan kömek sūrap otyr. Ol ıstıŋ 2 jyldan berı ädıl şeşımın tappai kele jatqanyn aityp, kınälılerdıŋ jazalanuyn talap ettı. Qyzdyŋ aǧasynyŋ aituynşa, osy ıske barlyǧy 6 balanyŋ qatysy bar ekenı anyqtalǧan. Eŋ basty küdıktı – Meirambek esımdı jıgıtke qatysty ıs toqtatylǧan. Al ekspertiza qorytyndysyn qūqyq qorǧauşylar qyzdyŋ özıne de, tuystaryna da bermeptı. Tek Nur Otan partiiasynan kömek sūraǧannan keiın ǧana saraptama nätijesı qyzdyŋ ata-anasyna berılgen. Alaida, ekspertiza balalardyŋ paidasyna şeşılgen.
«Menı 2019 jyly qaraşa aiynda Taldyqorǧanǧa şaqyrdy. Sol jerde Ernar Qaltaev myrza «Sen mynalarǧa keşırım ber, 4 mln teŋge aqşa berıp otyr» dedı. Men aqşanyŋ kerek emesın aityp almadym. Auyl aqsaqaldarynyŋ aldynda kınäsın moiyndamai, endı aqşa ūsynǧany baryp tūrǧan soraqylyq, bızdı el-jūrttyŋ aldynda abyroisyz ettı. Kınälıler jazalansyn, talabymyz sol. Auyl ışınde qazır äŋgıme jür, qyzymyzdy zorlaǧandar poliseilerge para bergen körınedı, 3 million teŋge. Bälkım sodan bolar, ıs ornynan eş qozǧalmai qoidy, «qyzdyŋ özı kınälı» degendı aityp otyr», - dep aşyndy boijetkennıŋ aǧasy.Poliseilerden ümıtın üzgen ata-ana endı Prezidentten kömek sūrap otyr. Sol üşın BAQ ökılderıne keldık deidı. Azattyq Rýhy aqparat agenttıgı būl ıs boiynşa Almaty oblystyq Polisiia departamentıne saual joldaǧan. Aimaqtyq departamenttıŋ baspasöz qyzmetı qylmystyq ıstıŋ toqtatylǧanyn mälımdedı.
«Almaty oblysy Polisiia departamentı atalǧan derektıŋ QR Qylmystyq kodeksınıŋ 120-baby 3-bölıgı boiynşa sotqa deiıngı tergep-tekserudıŋ bıryŋǧai tızılımınde tırkelgenın habarlaidy. Qylmystyq proseske qatysuşylardan jauap alu, bettestıru, bes sot saraptamasy sekıldı QR Qylmystyq ıs-jürgızu kodeksımen qarastyrylǧan jedel tergeu ıs-şaralarynyŋ keşenı ötkızıldı, olardyŋ nätijesı boiynşa zorlau deregı rastalǧan joq. Qylmystyq ıs QR QIJK 35-b.1-b. 2-t. negızınde toqtatyldy. Qabyldanǧan şeşımmen Almaty oblysynyŋ prokuratura organdary kelıstı, tergeu kezınde zaŋbūzuşylyqtar bolǧan joq», - delıngen Almaty oblystyq PD Baspasöz habarlamasynda.
«Adyrna» ūlttyq portaly
