Qazaqstan muǵalimderi sońǵy ýaqytta Bilim mınıstri Ashat Aımaǵambetovten keri baılanys joǵyn aıtyp, renish bildirýde dep habarlaıdy «Adyrna» ulttyq portaly. Áleýmettik jelide taraǵan jazbaǵa úńilsek, mınıstr birqatar mańyzdy suraqtardyń jaýabyn bermeı otyr.
Keshe ǵana Shyǵys Qazaqstan oblysynyń muǵalimi, azamattyq ustanymymen qoǵamda óte tanymal muǵalim Meıirjan Temirbek: «Jalpy Bilim mınıstrliginiń qoǵammen qazirgi baılanysy qandaı?!Birneshe ret talqylaýda boldyq, qatystyq, kórdik. Usynystardyń kóbi eskerýsiz shań basqan arhıvterde qaldy. Sońǵy kezde oblystyq bilim basqarmalarynyń nómirin taratty. Esh keri baılanys joq. Olar jaýap berýge mindetti emes shyǵar. Onda nesin taratty? Qosh delik. Qazir muǵalimder tarapynan kóptegen suraqtar jaýapsyz qalyp jatyr. Mınıstrlik jaýap berýge mindetti emes shyǵar, biraq sol suraqty týyndatyp otyrǵan mınıstrliktiń shyǵaryp otyrǵan qaýlylary men buıryqtary! Nege ýaqytynda jaýap berilmeıdi? Nege oblystyq bilim basqarmalary zań buzýshylyqty aýyzdyqtamaıdy? Shamalary jetpeı me? Oblysqa bilim basqarmalaryna búkil aýdandar aýdandyq akımattan bólip alyp oblysqa qospaqshy? Odan ne ózgeredi?!
Keńesshilerińizdiń de qoldarynan eshteńe kelmedi. Álde shabadandaryńyzdy daıyndap ketkeli otyrsyzdar ma?! Báribir jaýapkershilikten ar men uıattaryńyz bolsa qutyla almaısyzdar. Biz usynys bersek eshteńe ózgertýge shamalaryńyz kelmeı qalady. Joǵarydan buıryq tússe qandaı qaýly bolsyn sekýndta ózgeredi. Jaýap berýge ýaqyttaryńyz bolmasa paraqshalaryńyzdy jaýyp, telefondaryńyzdy óshirip qoıyńyzdar, esikterińizdi qulyptap qoıyńyzdar», dep jazdy.
«Mınıstr myrza BjǴM qoǵamdyq keńesiniń atynan usynystardy engizýge jetisý kerek. Keshe ǵana barlyǵyn grýppaǵa jınap máselelerdi sheship jatyr edik Gaýhar Omarbek hanym mınıstrliktiń ókilderin, oblystyq bilim basqarmalarynyń basshylaryn toptan qýyp jiberdi. Olar da ol jerde mardymdy jaýap berip otyrǵan joq. Qarapaıym muǵalimniń qarapaıym suraqtaryna jaýap bere almasa, qarapaıym máseleni aýyzdyqtaı almasa nesine ol jerdi qor qylyp otyr?! Muǵalimderge "bilim sapalaryń tómen, nasharsyńdar" degende sondaı ǵoı. Jaqsy muǵalimderdiń ishindegi eń nashary men bolaıyn, saýatsyzy da men bolaıyn. Ózderińizge shań jýytpaısyzdar. Ákim qaralarǵa, prezıdentke jaqsańyzdar boldy, basqa máselege pysqyryp ta qaramaısyzdar. Endi biraz jylda bilim salasynyń bolashaǵyn kózge elestetý qıyn, ásirese aýyldy jerlerde. Baǵdarlamalaryń aspandaǵy aıdy suraıdy, bergen kámpótirlaryń aı túgil, bult túgil taýdyń basyna da shyǵa almaıdy»,-dep kúıinishin bildirýde ustazdar.
Sonymen qatar, sońǵy ýaqytta Bilim mınıstriniń Baspasóz hatshysy Gaýhar Omarbekke degen muǵalimderdiń ókpesi órship barady. Mınıstr men muǵalimderdiń arasynda altyn kópir bolady dep kútken Gaýhar Omarbek kerisinshe áreket jasap júrgendeı. Máselen, Aıman Saǵıdýlla taıaýda ǵana: «Ashyq bolǵandaryńyz osy ma? Gaýhar bizdiń muǵalimderge kómektesip otyrǵan tobymyzdaǵy Maıra Meldibekovany ,Oblystyq bilim basqarmalarynyń bastyqtaryn toptan shyǵaryp tastapty. Bul ne sumdyq? Bizdiń olarmen baılanysýymyzǵa tyıym salǵysy kele me? Álde biz kimmen sóılesetinimizdi Gaýhardan suraýymyz kerek pe? Biz ol topta zańsyz jumystan shyǵarylǵan muǵalimderdiń máselesin feısbýkke, sotqa jetkizbeı sheshý maqsatynda otyrǵanbyz. Eger sizderge unaıtyn bolsa, endi ondaı máselelerdi feısbýkta jazamyz da otyramyz. Mınıstr kim ózi? Siz be álde Gaýhar Omarbek pe? Siz aıtqan ashyqtyqqa mensinbeı qarap, vıe mınıstrlerdi toptan shyǵaryp tastaýǵa shamasy kelip otyrǵan Gaýhar degen myqty kim ózi?Osy isterinen-aq mınıstrliktiń quqyǵy taptalǵan muǵalimderge kómekteskileri kelmeıtinin baıqaýǵa bolady. Óıtkeni ol top sol baǵyttaǵy top edi. Ókinishti»,-dep jazǵan bolatyn.
Ókinishke qaraı, Ashat Aımaǵambetovtiń tarapynan ázirge resmı jaýap bolmaı otyr. Osyǵan deıin muǵalimniń janyn túsinetin, bilim salasyn bıikke shyǵaratyn mınıstr dep halyq tqbesine kótergen mınıstrdiń sońǵy ýaqytta nege bulaı «ózgergenin» jurt túsinbeı álek. Bastapqyda bilek sybanyp, belsene jumys istegen mınıstrdi bul kúnde aınalasy «buza» bastady ma degen kúdikterin de muǵalimder jasyrmaı jazýda. Bilim mınıstrligi men muǵalimder arasyn jalǵaı almasa, shamasy kelmese, Gaýhar Omarbek ózgemen oryn aýystyrǵany durys emes pe? Qazaqstan muǵalimderi budan 10 jyl burynǵy bas buǵyp, bárine kónip otyra beretin muǵalimder emes qazir. Óz quqyqtaryn talap ete alatyn, ol úshin zańdy saýattary jetetin muǵalim qazir elimizde óte kóp. Osylardy eskerse, mınıstr de, mınıstrdiń baspasóz hatshysy da muǵalimder salǵan suraýǵa jaýap berer dep úmittenemiz.
Raýana DIMAShQYZY,
«Adyrna» ulttyq portaly.
