Halyq densaulyǧyn jaqsartu —- Qazaqstannyŋ damu saiasatynyŋ basym baǧyttarynyŋ bırı. Bügıngı künı auyldardaǧy emdeu mekemelerıne jaŋa qūrylǧylar, kölıkter bölınıp, standartqa sai jabdyqtaluǧa talpynys jasaluda. Nauqasqa qajettı em-dom jasau üşın jaŋa tehnologiiany meŋgergen, bılıktı de bılımdı mamandar jyl saiyn daiarlanuda. Būdan bölek, Otandyq ǧalymdarymyz halyq densaulyǧy üşın ter tögıp, igı jaŋalyqtarymen bölısude.
Mysaly, Aqtöbedegı Batys Qazaqstan medisinalyq universitetınıŋ mamandary plastikalyq langetterdı basyp şyǧaruǧa kırıstı.
3D printerımen jasalatyn zamanaui däke qol nemese aiaq süiekterınıŋ synyǧy kezınde qoldanylady. Būl medisinalyq būiymdardyŋ dästürlı gipsten aiyrmaşylyǧy, qyzdyru arqyly kez-kelgen pışınge keltıruge bolady. Salmaǧy jeŋıl bolǧanymen gipske qaraǧanda anaǧūrlym berık. Torközdı etıp jasalatyn langetter adam terısınıŋ oiylmauy üşın yŋǧaily.
Aita keteiık, būryn-soŋdy elımızde zamanaui 3D printerdıŋ kömegımen däke basyp şyǧarylmaǧan. Sondyqtan medisina universitetınıŋ ǧalymdary äzırge jappai öndırıstıŋ bolmaitynyn jetkızdı. Sanauly ülgısı ǧana jergılıktı auruhananyŋ travmotologiia bölımıne jıberıledı.
– Bızdıŋ ǧalymdar langetterdıŋ sapasyn zertteuge kırıstı. Eger ümıtımız aqtalsa, Qazaqstannyŋ täjıribelık medisinasynda ülken jaŋalyq bolaiyn dep tūr. Sebebı, bızdıŋ paiymdauymyzşa būl langetterdıŋ dästürlı gipsterden artyqşylyǧy köp. Mäselen, būrynǧy däkelerdıŋ salmaǧy 1,5 kelıge deiın jetetın bolsa, būl 50 gramm ǧana, balalar üşın de jeŋıl. Terı de oiylmaidy. Qol, aiaq süiekterı berık tanylady, - deidı M.Ospanov atyndaǧy BQMU prorektory Samat Saparbaev.
Duman Arǧyngeldı,
«Adyrna» ūlttyq portaly
