Bızdegı jaǧdai naǧyz qūbyjyq, orta ǧasyrlyq jaǧdai

Ämırikada ūzaq jyldar ūsaq qalalarda aq näsıldılerdıŋ arasynda tūryp kelgen İgor Aizenbergtıŋ aituynşa halyq arasynda diktatorlyq küşterge degen sūranys ta myqty körınedı. Olardyŋ köbı älı de bolsa şovinizm, rasizm auruymen auyrady, afroämırikalyq, nemese basqa tüstegılerge degen közqarastary älı de jaqsy emes. Tek jasy kelgen ülken adamdar ǧana emes, orta jastaǧylar arasynda da mūndailar jetkılıktı eken. Sondyqtan da Tramp ketkenmen de diktatorlyqqa degen sūranys azaia qoimaityn siiaqty, onyŋ ornyna taǧy bır sondai bıreu keletını anyq. Degenmen de ämırika qoǧamy üzdıksız damu üstınde. Demokrat Baidennıŋ būl jeŋısı sol demokratiialyq ürdıstı odan ärı damytatyn siiaqty, oǧan dälel - qazırgı kezde köptegen basqa näsıldegı adamdar ırı qyzmetterge taǧaiyndalyp jatyr. Kamala Harristen basqa, Pentagonnyŋ basşysyna (Qorǧanys ministrı) qara näsıldı general Ostin ūsynylyp otyr. Būl äskeri qyzmettegı osyndai därejege jetkelı otyrǧan alǧaşqy afroämırikalyq (eger Senat bekıtse). Al basqa, qūramynda afroämırikalyq nemese basqa tüstegı halyqtary joq diktatorlar ne ıstep jatyr? Aitalyq Reseide jerşıldık keŋ syipat alǧan. Eger baspasöz mälımetterıne sensek, Putinnıŋ ainalasyna tügelge juyq būrynǧy peterborlyqtar jinaqtalǧan. Sondai-aq onyŋ bala kezgı dostary, bırge biznes jasaǧan sybailastary jeterlık eken. Mūndai ädet tek Putinnıŋ basynda ǧana emes, odan būrynǧy Elsin, Gorbachevterde de kezdesedı. Äiteuır özderın mem. qyzmette jaqsy jaqtarynan körsete bılgen, alǧyr, adal, ısıne tiianaqty adamdar emes, tek tanystyǧy üşın ǧana biık qyzmetterge taǧaiyndalǧandar jeterlık. Al Baidennıŋ taǧaiyndap jatqan adamdary arasynda onymen ärqaşanda kelıse bermeitın, tiıstı jerınde aldymen elınıŋ müddesın qorǧai alatyn adamdar jetkılıktı eken. Mıne, demokratiia degenımız osy. Al bızdegı jaǧdai şe? Qazırgı kadr saiasatyna qarap otyryp bızdegı jaǧdai tek jäi ǧana diktatorlyq emes, naǧyz qūbyjyq, orta ǧasyrlyq dep aituǧa bolady. Mūnda tek bır rudyŋ, jüzdıŋ ǧana emes, tıptı joǧarǧy eşelonda orys tılımen auyzdanǧandar ǧana ömır süre alatyndai jaǧdai qalyptasqan desek onşa qatelespespız. Öitkenı öz tılımen susyndamaǧan, ūlttyq müddenıŋ ne ekendıgınen beihabar adamdar joǧarǧy basşylyqty tolyq jaulap alǧan. Sebebı - arǧy jaǧy dym körmegen, qazaqşa aitqanda "qoidan şyqqan qodyraŋdar". Foto aşyq derekközden alyndy.