Jaŋa jyl barşa jandy jarylqasyn! Bügın demalys. Kezekşımın. Taŋǧy segızden jūmystamyz. Barlyq memlekettık organdarda kezekşılık bar. Bır närse bola qalsa, dereu habarlap, äreket etıp, şeşım qabyldaidy.
Bärı tynyş bolsa, kıtap oqyp, jazu jazyp otyrasyŋ. Sebebı demalys qoi
Qolym qyşyp, bolǧan-körgendı jazǧym kelıp tūrady. Soŋǧy uaqytta jazuǧa tegı qol timei kettı. Oidaǧynyŋ onnan bırın de jazyp ülgere almai jatyrmyn.
Jaŋa jyldaǧy demalystardyŋ bır bölıgın jazu-syzu men oqu-toquǧa arnaimyn.
Aitpaqşy, aldyŋǧy künı Şymkentte aitarlyqtai jaŋalyq boldy. Abai jyly mazmūndy qorytyndylandy ǧoi dep oilaimyn.
Äzımhan İsabek degen jas abaitanuşy Abai atamyzdyŋ şaǧatai tılınde jazylǧan 38-sözınıŋ syryn aşyp, tolyq nūsqada kıtap etıp şyǧardy. Būl sözdı Abai atamyz “Kitab tasdiq” dep ataǧan. Būl kıtap — Abai şyǧarmaşylyǧynyŋ özegı.
Sodan keşe, 31 jeltoqsanda Şymkent qalasynyŋ äkımı Mūrat Äitenov Memlekettık syilyqtyŋ laureaty, közı tırı bas abaitanuşy desem qatespespın, Mekemtas Myrzahmetovke Jaŋa jyl aldynda sälem bere bardy. Aǧamyz azdap syrqattanyp qaldy degendı estıp edık, qazır densaulyǧy jaqsy eken.
Dastarhan basynda Mekemtas aǧamyz: “Qazır Şymkent Abaitanu ortalyǧyna ainalyp barady”, — dep edı, Alaş syilyǧynyŋ laureaty, Mekemtas Myrzahmetov turaly bır kıtap jazǧan, qazaqtyŋ belgılı jazuşysy Marhabat Baiǧūt aǧamyz: “Mekemtas Myrzahmetov qaida barsa, Abaitanu ortalyǧy sol jaqqa bırge köşıp barady”, — dep äzıldesıp bıraz äŋgımelestık. Äŋgımelestık dep qoiamyz, Mekemtas aǧamyzdyŋ leksiiasyn tyŋdadyq.
Mekemtas aǧamyz jas ūrpaq Abaidy mereitoi jyldarynda ǧana emes, jyl saiyn oqyp üirenu qajet ekenın amanattady.
Şyŋǧys MŪQAN
