Maıra Muhamedqyzy Shymkent qalalalyq Opera jáne balet teatyrynyń basshysy qyzmetine taǵaıyndaldy. Bul týraly «Adyrna» ulttyq portaly Shymkent qalasy ákimdiginiń ınstagramdaǵy paraqshasyna silteme jasaı otyryp habarlaıdy.
Shymkent qalasy ákiminiń birinshi orynbasary Shyńǵys Muqan qalalyq opera jáne balet teatrynyń jańa basshysyn mekeme qyzmetkerlerine tanystyrdy.
Maıra Muhamedqyzy - QR eńbek sińirgen ártisi, «Qurmet», «Otan» ordenderiniń ıegeri, «Tarlan» syı̆lyǵynyń, QR Memlekettik syı̆lyǵynyń laýreaty, Parıjdegi «Grand Operanyń» Qazaqstannan shyqqan tuńǵysh ánshisi.
Ol 1969 jyly 5 qyrkúıekte QHR-da dúnıege kelgen. Beı̆jiń Ulttar Ýnıversıtetiniń Mýzyka Fakýltetinde (Djoý Ben Chın synyby) jáne Pekın Konservatorııasynda (Go Shý Djen synyby) bilim alǵan.
Repertýaryndaǵy kóptegen shyǵarmalar Qazaqstan sahnasynda buryn sońdy oryndalmaǵan. Operalyq jáne konerttik repertýaryn asqan talǵampazdyqpen tańdap, úlken eńbekqorlyq pen izdenistiń úlgisin kórsetip keledi.
Maıra Muhamedqyzyna eńbegine jemis, qyzmetine abyroı tileımiz.
"Adyrna" ulttyq portaly
Foto ashyq derekkózden alyndy
