Sonymen ūzaq kütken partiialardyŋ saiasi dodasy aiaqtalyp, aqyry nätije jalpaq jūrtşylyqqa mälım boldy. «NūrOtan», «Aqjol» jäne Qazaqstan halyqtyq partiiasy endı parlamentke barady.
Bıraq köŋılde köp kümän qaldy. Maqūl, «Nūr Otan»men «Aqjoldyŋ» jeŋısı kümänsız deiık. Alaida üşınşı orynǧa şyqqan Qazaqstan halyqtyq partiiasy şyn mänınde aiqyn basymdylyqpen özge ekı partiiadan jeŋıstı jūlyp aldy ma? Rasynda da Kosarev mūraǧa qaldyryp ketken kommunisterdıŋ halyqtyŋ partiiasy ystyq yqylasyna bölenıp, būqaranyŋ dausyn aldy ma? Tūmandy, kümändınärseler köp. Sailauǧa bırer ai qalyp, saiasi dodaǧa qatysqaly tūrǧan sätte ötkelde atyn auystyryp «halyqtyq» bolyp şyǧa kelgen olar keşelı berı airyqşa quanyp jatyr. Özderı de kütpegen jeŋıstı bilık jedel alyp berse, börkın aspanǧa atpaǧanda qaitedı?! Bızdıŋ bilıkke osylai ündemei otyryp saiasatyn jürgızetın «qyzyl sūŋqarlar» kerek bop tūr ǧoi.
Kommunisterdıŋ keşegı jeŋısınen keiın äleumettık jelı qarama-qaişy pıkırlerge toldy. Eşkım de kommunister dauys alu jaǧynan üşınşı orynǧa şyǧady dep oilaǧan joq. Endı kelıp, bolmaityn boljam aqiqatqa ainaldy.
–Ülken oiyn boldy. «Auyl» men «Adaldy» jūrt qazırdıŋ özınde äne bır jylǧy «Qosanov sindromy»dep jatyr. Menıŋ jynym keletını, bilık nelıkten kommunisterge mümkındık berdı eken? Mıne, qazaq, senıŋ bilıgıŋnıŋ tılıne de, dılıŋe de tükırgenı bar. Mäjılıske mäŋgürtter kerek. Bosada oiyn oinaǧankommunisterdıŋ ornyna ne «Auyldy», ne «Adaldy» jıberu kerek edı»,- dep jazdy Mukharbek Makhambet atty belsendı azamat özınıŋ feisbuk paraqşasynda.
Ömırı qazaqşa söilemeitın kommunist Qoŋyrovtar endı taǧy da tört-bes jyl parlamentte otyryp, qazaq senıŋ mäseleŋdı, tarihyŋdy, taǧdyryŋdy, şeşedı.
...«Auyl» men «Adalǧa» obal boldy-au...
Erkın QALDAN,
«Adyrna» ūlttyq portaly
