Bügın Qazaqstan halqy Assambleiasynyŋ XXVIII sessiiasynda toǧyz deputattyŋ Mäjılıske baratyny belgılı boldy. Dauys beruge Assambleianyŋ 351 müşesı qatysyp, toǧyz adamǧa dauys berdı. Olar kımder?
Sonymen Sauytbek Abdrahmanov - 298, Avetik Amirhanian - 270, İlias Bularov - 274, Natalia Dementeva - 292, Iýrii Li - 282, Vakil Nabiev - 285, Şamil Osin - 271, Vladimir Tohtasunov - 277, Abilfas Hamedov 290 dauys aldy.
Bır erekşelıgı, keşe Qazaqstandaǧy Mäjılıs sailauyna sailauşylardyŋ 63 paiyzdan astamy qatyssa, bügıngı Assambleiadan ūsynylǧan 9 ökılgebar-joǧy 351 adam dauys berdı. Būl Elbasy negızın qalap bergen Assambleianyŋ halyqtyq dauystan aiyrmaşylyǧy. Assambleianyŋ artyqşylyǧy sonda, olardan parlamentke ūsynylǧan ümıtkerdı Qazaqstan halqy emes, özderı sailaidy. Bıraq täuelsızdık alǧanymyzǧa -30 jyl, Assambleianyŋ qūrylǧanyna 25 jyldan astam uaqyt ötse de, etnos ökılderınıŋ 100 paiyz qazaqşa söilep ketken bırı joq. Ärine memlekettık tılde söileitın bıren-sarandary bar. Assambleia jiyny bolsa, ylǧi solardy alǧa şyǧarady. Elbasynyŋ, Prezident Toqaevtyŋ aldynda söiletedı. Olar da kösıle söileuge üirenıp aldy qazır. Sözden jaŋylyspaidy, oquşynyŋ taqpaq jattaǧanyndai kösıledı. Jattap aldy ma, joq pa, bızge de qazır bärıbır bolyp qaldy. Bıraq bügın sailanǧan «toǧyz tūlǧa» qazaqtyŋ küiın küittep, memleket tıldıŋ müddesı üşın arpalysyp, sottasyp jürgen bır Oǧyz Doǧannyŋ tırlıgın ıstei ala ma? Jattandy söz tatulyq pen tūtastyqqa, yntymaq, bırlıkke ǧana qūrylatyn Assambleiadaǧy «toǧyzdyŋ jyry» Oǧyzdyŋ jyryna ainala ala ma? Mäsele sonda. Assambleianyŋ qai jiyny bastan-aiaq qazaq tılınde ötıp edı?! Sausaqpen sanarlyqtai ǧana.
Aita bersek, Assambleia jaily äŋgıme köp. Äleumettık jelı de azannan berı sailanǧan toǧyz deputatqa qatysty jyryn keŋınen tolǧap jatyr.
–Būl 9 deputat Mäjılıste qazaqtyŋ müddesın qorǧai ma, älde özderıne dauys bergen etnostardyŋ müddesın qorǧai ma? Eŋ bastysy, monoūltty Qazaqstannyŋ negızı - bız, qazaqtar, osy 9 deputatqa dauys bermesek, nege olar Mäjılıste 4 jyl bızdıŋ esebımızden milliondap jalaqy alyp, deputattyq mandattyŋ qyzyǧyn köru kerek?!. Assambleia atynan tüsıp jatqan 9 ümıtkerdıŋ qatarynda ūzaq jyl « Egemen Qazaqstan» gazetın basqarǧan Sauytbek Äbdırahmanov jür. Sonda ol qazaq emes pe? Ol qai etnostyŋ ökılı? Eşbır memlekette joq, tek Qazaqstanda ǧana üstemdık etıp tūrǧan būl qandai zaŋ?, – deidı Azamat Tasqaraūly özınıŋ äleumettık jelıdegı jazbasynda.
Jaqynda memleket basşysy Qasym-Jomart Toqaev qazaq tılın älı jete meŋgermegen otandastarǧa ündeu tastady.
–Memlekettık tıldı bılu – Qazaqstannyŋ ärbır azamatynyŋ paryzy. Mındetı dep te aituǧa bolady. Jastar aǧylşyn tılın nemese basqa da tılderdı az ǧana uaqytta meŋgere alatynyn körıp otyrmyz. Tūtas buyn almasqan osy jyldarda qazaq tılınüirengısı kelgen adam ony äldeqaşan bılıp şyǧaredı. Halqymyzda «Eşten keş jaqsy» degen sözbar. Eŋ bastysy, ynta boluy kerek, – dedı Prezident Toqaev.
...Endeşe osy memlekettıŋ asyn ışıp, auasyn jūtqan Assambleiadan sailanyp Mäjılıs mınberınde söz söileitın «toǧyzdyŋ jyry» ärqaşan Oǧyzdyŋ jyryna ainaluy kerek.
«Adyrna» ūlttyq portaly
