Prezident Qasym-Jomart Toqaevtyŋ qazaq tılın jetık meŋgermegen otandastarymyzǧa jasaǧan ündeuınen keiın, KAZGUU Universitetı memlekettık tıldı qoldau maqsatynda tegın auyzekı söileu klubyn aşty, dep habarlaidy «Adyrna» tılşısı universitettıŋ baspasöz qyzmetıne sılteme jasap.
«Memlekettık tıldı bılu – Qazaqstannyŋ ärbır azamatynyŋ paryzy. Mındetı dep te aituǧa bolady. Osy oraida men barşa qazaqstandyqtarǧa, onyŋ ışınde qazaq tılın älı jete meŋgermegen otandastaryma ündeu tastaǧym keledı. Halqymyzda «Eşten keş jaqsy» degen söz bar. Eŋ bastysy, ynta boluy kerek», – degen bolatyn Prezident 2021 jyldyŋ 6 qaŋtarynda «Egemen Qazaqstan» gazetınde jariialanǧan maqalasynda.«Bız 2020 jyldyŋ soŋynda aǧylşyn tılın oqytatyn äleumettık joba bastaǧan bolatynbyz. Sonyŋ negızınde ideiasy özgeşe «Kel, qazaqşa söileseiık!» kluby qūrylyp otyr. Mūnda sabaq ūlttyq mentalitet, tarih pen folklordyŋ erekşelıkterın, qazaq halqynyŋ qūndylyqtary men basymdyqtaryn eskere otyryp, arnaiy ädısteme boiynşa ötkızıledı. Auyzekı söileu klubynyŋ müşelerı äleumettık maŋyzy bar mäseleler men qoǧamnyŋ özektı taqyryptaryn talqylaidy», - dedı M.S. Närıkbaev atyndaǧy KAZGIýU Joǧary gumanitarlyq mektebınıŋ direktory Anar İbraeva. Universitet baspasöz qyzmetınıŋ habarlauynşa, sabaq aptasyna ekı ret ZOOM platformasynda jäne oflain formatta ötedı. Alǧaşqy sabaq 21 qaŋtar künı saǧat 17:00-de bastalady. Qyzyǧuşylyq tanytqan kez kelgen adam sılteme http://bit.ly/qazsoile arqyly ötıp, qazırden bastap jobaǧa tırkele alady. Elordalyq universitettıŋ saitynda klub jūmysyna qazaq tılınde söileu daǧdysyn jetıldırgısı keletın kez kelgen adam qatysa alatyny jazylǧan. Klub müşelerınıŋ jas erekşelıgı, qazaq tılın bılu deŋgeiı maŋyzdy emes. Tegın kursty bılıktı mamandar jürgızedı.
«Adyrna» ūlttyq portaly
