Densaulyq saqtau ministrlıgı halyqty koronavirus infeksiiasyna qarsy jappai vaksinasiianyŋ kezeŋderı turaly habardar ettı, dep habarlaidy «Adyrna» tılşısı.
Aǧymdaǧy jyldyŋ 1 aqpanynan bastap halyqtyŋ KVİ-ge qarsy vaksinasiialaudy bastau josparlanuda. Vaksinasiia ekpenıŋ daiyndaluyna bailanysty kezeŋ-kezeŋımen jüzege asyrylady. Būl rette kontingentter mynadai türde bölıngen:
- I kezeŋ – infeksiialyq auruhanalar, jedel medisinalyq järdem, reanimasiia jäne qarqyndy terapiia bölımı (RQTB), medisinalyq-sanitariialyq alǧaşqy kömek (MSAK), auruhanalardyŋ qabyldau bölmelerınıŋ medisina qyzmetkerlerı, sanepidqyzmet qyzmetkerlerı jatady – 100 000 adam - 2021 jylǧy 1 aqpannan bastap; - II kezeŋ – jalpy bılım beretın mektepterdıŋ, arnauly orta oqu oryndarynyŋ (AOOO), joǧary oqu oryndarynyŋ (JOO) pedagogtary, vedomstvolyq medisinalyq qyzmetınıŋ medisina qyzmetkerlerı – 150 myŋ adam – aǧymdaǧy jylǧy nauryzdan bastap; - III kezeŋ – mektep-internattar, balalardyŋ mektepke deiıngı mekemelerı (BMDM) pedagogtary, studentter, sozylmaly aurulary bar adamdar – 600 myŋ adam - aǧymdaǧy jylǧy säuırden bastap; - IV kezeŋ – Işkı ıster ministrlıgı (IIM), Tötenşe jaǧdailar ministrlıgı (TJM), Qorǧanysminı, Ūlttyq qauıpsızdık komitetı (ŪQK) qyzmetınıŋ qyzmetkerlerı, basqa stasionarlardyŋ medisina qyzmetkerlerı, BMDM personaly jäne sozylmaly aurulary bar adamdar – 600 myŋ adam - aǧymdaǧy jylǧy mamyrdan bastap; - V kezeŋ – medisinalyq-äleumettık mekemelerdıŋ kontingentı men personaly, balalardyŋ jabyq mekemelerınıŋ qyzmetkerlerı jäne sozylmaly aurulary bar adamdar – 600 myŋ adam aǧymdaǧy jylǧy mausymnan bastap; - VI kezeŋ – täuekel tobyndaǧy qalǧan kontingent – 600 myŋ adam aǧymdaǧy jylǧy şılde aiynan jeltoqsanǧa deiın.Osylaişa, jyl soŋyna deiın 6 mln.qazaqstandyqqa vaksina egu josparlanuda.
«Jüielı esepke alu maqsatynda vaksinasiianyŋ elektrondyq pasporty äzırlendı. Vaksinasiia jürgızu turaly derekter Ministrlıktıŋ ortalyqtandyrylǧan aqparattyq jüiesınde elektrondyq formatta jürgızıletın bolady. Veb-qosymşada pasient pen medisina qyzmetkerınıŋ m-gov mobildı qosymşasynda aqparatty qolmen engızu mümkındıgı bar. Jüie jahandyq aqparattyq jüielermen integrasiialanuǧa qabılettı jäne vaksinasiia alǧan barlyq adamdarǧa talap etıletın jerde jäne erkın qozǧalu üşın aqparat beruge mümkındık beredı», - dedı A.Soi.
«Adyrna» ūlttyq portaly
