Bügın Parlament Mäjılısınıŋ töraǧasy Nūrlan Nyǧmatulin jaqyn arada qabyldanatyn zaŋdar qai salalarǧa negızdeletının aitty, dep habarlaidy «Adyrna» tılşısı QazAqparatqa sılteme jasap.
«Jetınşı şaqyrylym Qazaqstan Täuelsızdıgıne 30 jyl, al Parlament qūrylǧanyna 25 jyl tolatyn erekşe kezeŋde öz jūmysyn bastap otyr. Osyǧan bailanysty Memleket basşysy sessiianyŋ aşyluynda bügıngı jetken jetıstıkterımızdı saqtap, odan ärı damytu jolyndaǧy jaŋa maqsattar turaly aitty. Onyŋ ışınde äleumettık-ekonomikalyq, qūqyqtyq-saiasi baǧyttarǧa basa nazar audaratyn bolamyz», - dedı ol Mäjılısınıŋ jalpy otyrysynda.Osy oraida N. Nyǧmatulin atalǧan baǧyttar boiynşa tiıstı zaŋdarmen Parlament qamtamasyz etetının atap öttı.
«Sol üşın Memleket basşysy sessiianyŋ aşyluynda deputattardan sapaly zaŋdardy talap etetının erekşe atap öttı. Ol zaŋdar eŋ aldymen halyqtyŋ ömır sapasyn, bılım, densaulyq saqtau salalaryn jaqsartuǧa, äleumettık qamtamasyz etuge, şaǧyn jäne orta biznestı qoldauǧa yqpal etuge tiıs. Sondyqtan bızdıŋ basty maqsatymyz – josparǧa säikes öz uaqytynda halyqqa qajettı, paidaly zaŋdardy qabyldau», - dedı ol.Eske sala keteiık, 15 qaŋtarda Memleket basşysy Qasym-Jomart Toqaevtyŋ VII şaqyrylymdaǧy Parlamenttıŋ bırınşı sessiiasynda bırqatar mındet jüktegen bolatyn.
«Adyrna» ūlttyq portaly
