Äşımbaev zaŋdy qalai qabyldau kerektıgın aitty

Parlament Senatynyŋ töraǧasy Mäulen Äşımbaev är zaŋ jobasyn talqylaǧan kezde qoǧamnyŋ pıkırın eskeru qajettıgın aitty dep habarlaidy «Adyrna» ūlttyq portaly Baq.kz. agenttıgıne sılteme jasap. Onyŋ būlai aituyna sebep jetkılıktı. Alysqa barmai-aq otbasylyq zorlyq-zombylyqqa qatysty zaŋnyŋ özı qoǧamda bıraz talqyǧa tüsıp jatyr. Prezident Qasym-Jomart Toqaev memlekettık organdardyŋ aldynda tūrǧan negızgı maqsattarǧa toqtalyp öttı. Olardyŋ bärı halyqtyŋ ömır süru sapasyn jaqsartatyn, elımızdıŋ saiasi jäne äleumettık-ekonomikalyq damuyna tyŋ serpın beretın bastamalar. Osyǧan bailanysty Parlament pen Ükımetke maŋyzdy mındetter jüktelıp otyr. Jariialanǧan reformalardy sapaly zaŋdarmen qamtamasyz etu – bızdıŋ basty mındetımız. Zaŋdar eŋ aldymen ūlttyq müddenı qorǧauǧa tiıs. Al ūlttyq müdde degenımız – halyq pen memlekettıŋ müddesı,- dedı Mäulen Äşımbaev. Prezident reformalaryn ıske asyru üşın Senat Mäjılıspen jäne Ükımetpen bırlesıp nätijelı jūmys ısteuge daiyn ekendıgın aitty. Memleket basşysy atap ötkendei, qoǧamdy alaŋdatqan mäseleler Parlamentte talqylanuy qajet. Parlament özektı mäselelerdıŋ şeşımın tabatyn ortalyqqa ainaluǧa tiıs. Sondyqtan elmen etene jūmys ısteu - asa maŋyzdy. Är zaŋ jobasyn talqylaǧan kezde qoǧamnyŋ pıkırın eskeruımız kerek. Senat jūmysyna qoǧamdyq ūiymdar men äleumettık toptardyŋ ökılderın, tiıstı mamandardy keŋırek tartuymyz qajet. Mūndai qadam zaŋ şyǧaru jūmysynyŋ jäne qabyldanyp jatqan zaŋdardyŋ tiımdılıgın arttyratyny sözsız,- dedı Senat töraǧasy.