Körıp otyrǧanymyzdai, Reseide keşegı qarqyn joq, basylyp qalǧan. Ukrainadaǧy maidan siiaqty tabandap tūryp almasa būdan tük te şyqpaidy degenmın, sol rasqa ainaldy. Endı bır aptadan keiın jinal ne, jinalma ne - odan tük te özgermeidı menıŋşe, sebebı jaǧdai sol Habarovskıdegıdei bolady da qoiady. Habarovskıde adamdar jarty jyldan astam köşege şyǧyp jürdı - sonda ne bıtırdı? Furgaldy bärıbır bosatqan joq. Bükıl Sıbır qoldap şyǧady dep edı, odan da tük şyqpady.
Osy jaǧdaidyŋ bız üşın ülken plius jaǧy bar. Ol mynada: eger qarsylyq aksiiasy jeŋıp, aitalyq Putin ornynan ketıp ornyna Navalnyi keldı delık. Mūndai jaǧdaida Navalnyi özınıŋ Batys köşbasşylarymen tanystyǧyn, keibırımen dostyǧyn paidalanyp Reseige salynǧan sanksiialardy aldyryp tastauy mümkın. Mysaly Fransiia, Germaniia degender tek AQŞ-tan "ūialǧannan", jalpy tendensiia solai bolǧandyqtan jürgen siiaqty. Kezınde sanksiia saludan basty skripka rölın AQŞ pen Kanada oryndap otyrdy. Tramp ol sanksiialardy alyp tastauǧa äldeqandai sebeptermen kıdırıp qaldy. Şamasy bırden olai jasauǧa bata almaǧan boluy kerek. Esesıne eşqandai sanksiia salmady da, Kongresstıŋ är alty ai saiyn sanksiia salyp otyru, būrynǧylarynyŋ oryndalysyn qataŋ baqylap esep alyp otyru degen Zaŋyn da oryndamady. Kelesı merzımge qaita sailanam, sonda kırısem dep oilaǧan boluy kerek.
Eger Navalnyi Europanyŋ sanksiiasynan qūtylsa, AQŞ ta öz pozisiiasyn jūmsarta bastauy mümkın edı, öitkenı olardyŋ ısı Resei halqynda emes, Putin men onyŋ ainalasyndaǧy oligarh dostarynda. Mūndai jaǧdaida olar sanksiiadan qūtylyp, ekonomikalyq jaǧdaiyn tüzep aluy mümkın edı, al ol degen - Reseidıŋ ışındegı az halyqtar, syrtyndaǧy bızder siiaqty elder sol būrynǧy qūldyq qamytynda älı bırneşe jyldar otyra berer edık degendı ǧana bıldıredı. Öitkenı Navalnyi öte ūltşyl (jaqsy maǧynasynda emes), imperşıl, baryp tūrǧan nasistıŋ özı. Onysyn özı aityp ta jür. Mysaly Qyrym turaly ol onyŋ Reseige qosylǧany öte dūrys boldy dep esepteidı, taǧy sol siiaqty aitqandary köp.Bıreuler eger ol olai söilemese reseilıkterdıŋ qoldauyna ie bola almas edı, sondyqtan solai söileuge mäjbür deidı. Olai emes. Rasynda onyŋ Putinnen eş aiyrmasy joq, batystyq ülgıdegı basşy emes. Ertesıne-aq qazaqtardan 1930-31 jylǧy aşarşylyq üşın keşırım sūraidy deu ülken äbestık.
Sondyqtan bızdıŋ barlyǧymyz üşın äzırge Putinnıŋ otyra bergenı tiımdı. Reseidı äbden ydyratsyn, ışındegı elder täuelsızdık alsyn, tek sonda ǧana bızder de şyn täuelsızdıkke qol jetkızıp qalarmyz. Sondyqtan qazaqtardyŋ Navalnyidy qoldap, tym şala bülıne bermegenderı dūrys. Ony tek orys tıldıler men maqtabastar ǧana qoldauy mümkın dep oilaimyn. Äzırge kütemız. Bız üşın eŋ maŋyzdysy eldık müdde, şyn täuelsızdık!
