Täuelsızdıgımızdıŋ 30 jyldyǧyn toilaǧaly jatsaq ta, älı de köşedegı ana tılımızdı qorlap, qate jazylǧan aqparattan qūtyla almai kelemız. Teledidar men gazetterde aityla-aityla aqjem, jaza-jaza jauyr bolsa da, baiaǧy jartas - sol jartas. Tıptı üirenıp te kettık, keide külemız. Şarasyzdyqtan kületın şyǧarmyz... Deputat bolyp kelgesın, bırınşı kezekte osy mäselenı qolǧa alyp jatyrmyz. Būrynǧy ärıptesterım bastaǧan jūmysty jalǧastyru jäne osy mäsele boiynşa arnaiy jūmys tobyn basqaru özıme būiyrdy. Bügın jaŋa qūramnyŋ alǧaşqy otyrysy ötedı.
Köşelerde tolyp tūrǧan qatelerdıŋ älı de dūrystalmauynyŋ bırneşe sebebı bar. Bırınşıden, mūndaǧy basty kemşılık - ana tılımızge nemqūraily qarau, eş jauapkerşılıksız audaru, tılımızge jannyŋ aşymauy. Ekınşıden, körgen qatenı jöndetuge aimaqtyq Tılderdı damytu basqarmalarynyŋ qūzıretı joq. Tek qana jarnama, körnekı aqparat emes, därı-därmek anyqtamasynyŋ, sol siiaqty är saladaǧa köptegen anyqtamalardyŋ dūrys audarylmauy da - qazırgı qoǧamnyŋ «bas auruy». Al būl degenımız tıldıŋ ǧana emes, adamnyŋ ölımıne de äkep soǧuy yqtimal.
«Täuelsızdık bärınen qymbat» atty maqalasynda Prezidentımız Qasym-Jomart Toqaev «Elımızdıŋ basty nyşandarynyŋ bırı – memlekettık tıl» ekenın basa aitty. Qūdaiǧa şükır, qazaq tılın meŋgergen otandastarymyzdyŋ sany artyp keledı! Sondyqtan da memlekettık mekemelerdıŋ, eldı mekender men köşe attaryn tek qazaq tılınde jazatyn uaqyt keldı.
Äleumettık-mädeni damu Komitetındegı ärıptesterım Darhan Myŋbai, Bekbolat Tleuhan, Aidos Sarym, Maqpal Täjmaǧambetova, jūmys tobynyŋ müşelerı Qazybek İsa, Janarbek Äşımjan, Iýrii Julin, jäne Baqytbek Smaǧūl, Erlan Sairov, Natalia Dementeva, Gennadii Şipovskih, basqada ärıptesterımmen bırge osy mäselenı dūrys jolǧa salamyz dep ümıttenemın.
Berık ÄBDIǦALİŪLY,
QR Parlamentı mäjılısınıŋ deputaty.
