Pavlodarda 17 jasar qyz antiseptikten ulanyp, qaza tapty, dep habarlaidy «Adyrna» tılşısı «Qazaqstan» ūlttyq arnasyna sılteme jasap.
Ol qiyn jaǧdaiǧa tap bolǧan balalarǧa kömek beretın aimaqtyq ortalyqta tärbielenıp jatqan. Onyŋ taǧy ekı qūrbysy auruhanaǧa jetkızılgen. Olar özderınıŋ antiseptik ışkenderın aitqan. Polisiia män-jaidy tekserıp jatyr.
Al, Qaraǧandy oblysyna qarasty Şahan kentındegı qarttar üiınde 96 adam keselge şaldyqqan. Sonyŋ 70-ı – qariialar bolsa, qalǧan 26-sy - personal qyzmetkerlerı. Barlyǧynyŋ da jaǧdaiy qalypty,-deidı därıgerler. Nauqaspen bailanysta bolǧandar anyqtalyp, PTR synamasy alyndy. Jalpy mekeme nauryz aiynan berı jabyq türde jūmys ısteude. Mūnda barlyǧy 91 qart tūrady.
Atyrau oblysyndaǧy Teŋız kenışınde taǧy 51 jūmysşynyŋ koronavirus jūqtyrǧany belgılı boldy. 11 qyzmetkerden keseldıŋ simptomdy türı tabylǧan. Vahtalyq qalaşyq aumaǧynda ornalasqan stasionarda 683 nauqas oqşaulanǧan. «Bastapqyǧa qaraǧanda käsıporyndaǧy jaǧdai qazır bırşama tūraqtalyp keledı»,- deidı mamandar.-Şahan qalasyndaǧy medisinalyq-äleumettık mekemede koronavirus oşaǧy anyqtaldy. Pansionatta zalalsyzdandyru jūmystary jürgızıldı. Indetke şaldyqqandar jäne olarmen bailanysta bolǧandardyŋ tızımı jasaldy. Qazırgı uaqytta barlyq nauqas jūqpaly aurular auruhanasynda emdelude»,- dedı Tauarlar men körsetıletın qyzmetterdıŋ sapasyn baqylau departamentınıŋ resmi ökılı Aigül Şatekova.
»Adyrna» ūlttyq portaly
