Qyzylordada ekı balasyn qarausyz qaldyrǧan azamatşa ata-analyq qūqyǧynan aiyryluy mümkın, dep habarlaidy «Adyrna» ūlttyq portaly Polisia.kz-ke sılteme jasap.
2021 jyldyŋ 3 aqpany künı Qyzylorda qalasyndaǧy bılım beru ūiymdarynyŋ bırıne 1979 jyly tuǧan azamatşa masaŋ küide kelıp, azamattardyŋ mazasyn alǧan. Būl fakt boiynşa atalǧan azamatşaǧa qatysty Qazaqstan Respublikasy ÄQBtK-nıŋ 440-babymen (Alkogoldık ışımdıkterdı işu nemese qoǧamdyq oryndarǧa masaŋ küide kelu) äkımşılık hattama toltyrylyp, ol uaqytşa beiımdeu jäne detoksikasiia ortalyǧyna ornalastyryldy.
Mektep äkımşılıgı men tärtıp saqşylary azamatşanyŋ tūrǧylyqty meken-jaiyn tekseru barysynda joǧaryda körsetılgen azamatşanyŋ kämeletke tolmaǧan ekı balasynyŋ qarausyz, ärı qadaǧalausyz qalǧanyn anyqtady. Osyǧan orai, äieldıŋ kämeletke tolmaǧan alty jastaǧy qyzy oblystyq kämeletke tolmaǧandardy beiımdeu ortalyǧyna, bır jarym jastaǧy qyzy köpbeiındı balalar auruhanasyna ornalastyryldy.
Tekseru barysynda 42 jastaǧy azamatşaǧa qatysty äkımşılık qūqyq būzuşylyq jasaǧany üşın üş ret hattama toltyrylǧandyǧy anyqtaldy.
Qazırgı taŋda Qyzylorda qalalyq Polisiia basqarmasynyŋ qyzmetkerlerı atalǧan azamatşany ata-analyq qūqyǧynan aiyru nemese şekteu mäselesın şeşu üşın qala äkımı janyndaǧy kämeletke tolmaǧandar ısterı jäne olardyŋ qūqyqtaryn qorǧau jönındegı komissiia otyrysyna qūjattar jinaqtauda.
«Adyrna» ūlttyq portaly
