Almaty oblysynda 26 ūrlyq jasap, jäbırlenuşılerge jalpy somasy 15 mln teŋgeden astam şyǧyn keltırdı degen küdıkpen jergılıktı tūrǧyn ūstaldy, – dep habarlaidy «Adyrna» tılşısı Polisia.kz-ke sılteme jasap.
Jedel ızdestıru ıs-şaralary barysynda Eskeldı audanynyŋ poliseilerı Almaty oblysy PD Kriminaldyq polisiia basqarmasynyŋ qyzmetkerlerımen bırlesıp, arnaiy bölımşenıŋ kömegımen oblys aumaǧynda jasalǧan bırqatar ūrlyqtarǧa qatysy bar degen küdıkpen Qarabūlaq kentınıŋ 36 jastaǧy tūrǧynyn ūstady.
«Ūstalǧan adamdy kriminaldyq bazalar boiynşa teksergen poliseiler onyŋ Almaty oblysynyŋ aumaǧynda jasalǧan 26 ūrlyqqa qatysy bar ekenın anyqtady. Ol jymysqy äreketterın Qarabūlaq, Şymyr, Baqtybai, Balpyq bi, Taldyqorǧan jäne t.b. eldı mekenderde ıske asyrǧan. Ol qylmystarynyŋ barlyǧyn tapatal tüste jasaǧan, jeke üilerge plastikalyq terezelerdı syǧymdap aşu arqyly kırgen. Däleldengen epizodtar boiynşa jäbırlenuşılerge keltırılgen jalpy materialdyq şyǧyn 15 million teŋgeden asady. Ūstalǧan küdıktınıŋ osyǧan ūqsas basqa da aşylmaǧan qylmystarǧa qatysy bar-joǧy tekserılude»,-dedı Eskeldı audany polisiia bölımınıŋ bastyǧy Qairat Baimūhanov.Küdıktı negızınen altyn būiymdar men ūialy telefondardy alyp ketumen ainalysqan.
«Aiǧaq zattary az qylmystardy aşu barysynda qylmyskerlerdıŋ qol ızderı arqyly ǧana kınälını anyqtau sarapşy-kriminalisterdıŋ asqan şeberlıgın talap etedı. Kriminalist mamandardyŋ oqiǧa ornynan mūqiiat jinaǧan dälelderınıŋ arqasynda onyŋ bırqatar qylmystarǧa qatystylyǧy äşkerelendı. Küdıktı uaqytşa ūstau izoliatoryna qamauǧa alyndy. Özge aqparat tergeu qūpiialyǧyna bailanysty jariialanbaidy»,- dep atap öttı Qairat Baimūhanov.
«Adyrna» ūlttyq portaly
