Qaraǵandy qalasynyń Oktıabr aýdany Álıhan Bókeıhannyń esimimen atalatyn boldy, dep habarlaıdy «Adyrna» tilshisi.
Qýanyshty jańalyqty alǵashqylardyń biri bolyp Qaraǵandy qalasynyń maslıhat depýtaty, Qaraǵandy oblysy «Aq jol» partııasy bólimshe tóraǵasynyń ıdeologııa jónindegi orynbasary Beıbit Qulmaǵambet Facebook jelisindegi resmı paraqshasynda bólisti.
«Qalyń qazaq eli, súıinshi! Qazaqstan Prezıdenti Qasym-Jomart Kemeluly Toqaev Qaraǵandy qalasynyń Oktıabr aýdanynyń ataýynyń aýystyrylyp, Álıhan Bókeıhan esiminiń berilýin qoldapty.
Qala aýdany ataýynyń ózgertilýi bekitilgen arnaıy proedýraǵa negizdelgen. Qoǵamdyq tyńdaýlardyń ótýi , qala máslıhaty depýtattarynyń daýys berýi jáne onomastıkalyq komıssııanyń arnaıy jumystarynyń júrgizilýin qajet etetin kúrdeli jáne ýaqyt talap etetin is ekeni barlyǵymyzǵa belgili. Óz ýaqytymen ótetin jumys, bastama bolsa jarııalandy, negizgi baǵyt belgilendi.
Búgin bul tarıhı mańyzy bar jańalyqty oblys ákimi Jeńis Mahmuduly Qasymbek myrza " Aq jol " partııasynyń oblystyq fılıal basshysy Ermek Abıldınmen ótkizgen kezdesýinde habarlaǵan eken»,-dep jazdy ol.
«Adyrna» ulttyq portaly
