Būl şeşım Şeki qalasynda ötken TÜRKSOI halyqaralyq ūiymy tūraqty keŋesınıŋ XXXIV otyrysynda bırauyzdan qabyldanǧan.
Alqaly jiynǧa TÜRKSOI-ǧa müşe elderdıŋ mädeniet ministrlerı, Türkı keŋesı, Türkıtıldes memleketter Parlamenttık Assambleiasy men Halyqaralyq Türkı Akademiiasynyŋ ökılderı qatysty. Basqosuda ūiymnyŋ bır jylda atqarǧan ıs-şaralary saralanyp, aldaǧy jūmys jospary bekıtıldı.
Osylaişa Türkıstan elordamyz Astana men Türkiianyŋ Eskişehir, Türkmenstannyŋ Marysymen Äzerbaijannyŋ Şeki qalasynan keiın, mūndai märtebege laiyq dep tanylǧan 5-şı şahar atandy.
Kemal Chelik, Türkiia ūly ūlttyq mäjılısınıŋ eks-deputaty:
- Türkıstandy bılmeitın türık kem de kem. Öitkenı bız Qazaqstandy atajūrtymyz, al Türkıstan qalasyn barlyq türkı halyqtarynyŋ mädeni jäne ruhani ortalyǧy retınde erekşe qasterleimız. Tarihi şahardy TÜRKSOI türkı älemınıŋ mädeni astanasy dep jariialady. Būl jaŋalyqqa şyn jüregımmen quanǧanymdy jasyrmaimyn. Sebebı mūndai märtebege ol äbden laiyq. Endı Türkıstanǧa jiı-jiı qydyryp baratyn bolamyz. Būl ärine, qalanyŋ tynys-tırşılıgı men turistık äleuetınıŋ artuyna zor mümkındık aşpaq.
24.kz
