2023 jylǵa qaraı pedagogterdiń jalaqysy eki ese ósip, 330 myń teńgeden asady. Bul týraly Májiliste «Nur Otan» partııasynyń saılaý aldyndaǵy mindettemelerin iske asyrý boıynsha Jol kartasyn talqylaý kezinde Premer-Mınıstr Asqar Mamın málimdedi, dep habarlaıdy «Adyrna» tilshisi «Qazaqstan» Ulttyq arnasyna silteme jasap.
«Ortasha jalaqy jyl saıyn keminde 25 paıyz ósedi. 2023 jylǵa qaraı bilim berý júıesi bilikti muǵalimdermen 100 paıyz qamtylady», - dedi Úkimet basshysy.
Aıtýynsha, elimizdegi barlyq balalarǵa jaqsy tárbıe men sapaly bilim alýǵa birdeı jaǵdaı jasalady, tolyqqandy turmys jaǵdaıy men árbir balanyń quqyǵynyń qorǵalýyna kepildik beriledi.
3-6 jas aralyǵyndaǵy balalar mektepke deıingi tárbıemen jáne oqytýmen tolyq qamtylady.
Apatty jáne úsh aýysymdy mektepter máselesin tolyq sheshý úshin 800 mektep salynady. Bıyl 200 jańa mektep paıdalanýǵa beriledi.
2025 jyly aýyl mektepteri ınternetpen, kompıýterlermen jáne oqý proessin uıymdastyrýǵa qajet taǵy da basqa jabdyqtarymen qamtamasyz etiledi.
«Adyrna» ulttyq portaly
