2023 jylǧa qarai pedagogterdıŋ jalaqysy ekı ese ösıp, 330 myŋ teŋgeden asady. Būl turaly Mäjılıste «Nur Otan» partiiasynyŋ sailau aldyndaǧy mındettemelerın ıske asyru boiynşa Jol kartasyn talqylau kezınde Premer-Ministr Asqar Mamin mälımdedı, dep habarlaidy «Adyrna» tılşısı «Qazaqstan» Ūlttyq arnasyna sılteme jasap.
«Ortaşa jalaqy jyl saiyn kemınde 25 paiyz ösedı. 2023 jylǧa qarai bılım beru jüiesı bılıktı mūǧalımdermen 100 paiyz qamtylady», - dedı Ükımet basşysy.Aituynşa, elımızdegı barlyq balalarǧa jaqsy tärbie men sapaly bılım aluǧa bırdei jaǧdai jasalady, tolyqqandy tūrmys jaǧdaiy men ärbır balanyŋ qūqyǧynyŋ qorǧaluyna kepıldık berıledı. 3-6 jas aralyǧyndaǧy balalar mektepke deiıngı tärbiemen jäne oqytumen tolyq qamtylady. Apatty jäne üş auysymdy mektepter mäselesın tolyq şeşu üşın 800 mektep salynady. Biyl 200 jaŋa mektep paidalanuǧa berıledı. 2025 jyly auyl mektepterı internetpen, kompiuterlermen jäne oqu prosessın ūiymdastyruǧa qajet taǧy da basqa jabdyqtarymen qamtamasyz etıledı.
«Adyrna» ūlttyq portaly
