"Aq jol" Demokratııalyq partııasy Jer týraly Zańǵa engizýge resmı túrde óz usynystaryn joldady. Eske sala keteıik, osy jyldyń 20 qańtarynda frakııa atynan depýtattyq saýal jarııalaǵan Berik Dúısembınov taıaý arada moratorıı merziminiń aıaqtalatynyna baılanysty Jer máselesine núkte qoıýǵa shaqyrdy. Barshańyzǵa belgili, 2016 jyly elimizde rezonans týǵyzǵan mıtıngilerden keıin, Elbasy aýyl sharýashylyǵy maqsatyndaǵy jerlerdi paıdalaný máselesi boıynsha Jer kodeksiniń keıbir normalaryna moratorıı engizgen.
Búginde osy moratorııdiń aıaqtalýyna sanaýly ýaqyt qaldy. Osy oraıda, Memleket basshysy Qasym-Jomart Toqaev 2019 jylǵy shildede Úkimettiń keńeıtilgen otyrysynda: «Jer jumys isteıtin adamdarǵa berilýi tıis. Jer óndiristiń basty faktory, tıimdilik pen ashyqtyq bolmasa, aýyldy damyta almaımyz. 2021 jyly Jer kodeksiniń keıbir normalaryna moratorıı aıaqtalady. Bul másele boıynsha naqty sheshim qabyldanýy tıis. Bul týraly Parlament depýtattary, saıası partııalar, qoǵam oı qosady dep úmittenemin», - dep, Úkimetke naqty tapsyrma bergen edi.
«Aq jol» partııasy 2016 jyly Úkimettiń janyndaǵy Jer jónindegi komıssııaǵa sheteldik kompanııalar men azamattaryna jerdi satýǵa da, jalǵa berýge tyıym salý týraly usynystaryn joldaǵan edi, biraq sol kezde belgisiz sebeptermen, Komıssııanyń qorytyndy Hattamasyna engizilmeı qaldy.
"Aq jol" partııasy Prezıdent Qasym-Jomart Kemeluly Toqaevtyń jer máselesine qatysty ustanymyn tolyq qoldaı otyryp jáne moratorıı merziminiń aıaqtalýyn eskerip, jer zańnamasyna jedel túrde tıisti túzetýler engizý qajet dep sanaıdy.
"Joǵaryda aıtylǵandardy eskere otyryp, «Aq jol» partııasy Qazaqstan Respýblıkasynyń Úkimetine Jer kodeksine tıisti ózgerister men tolyqtyrýlardy engizip, eldi alańdatqan jer daýynyń sheshilýine núkte qoıylý kerek dep biledi. Usynysymyz qabyldanbaǵan jaǵdaıda, «Aq jol» partııasy Jer kodeksine óz tarapynan ózgerister engizýge daıyn ekendigin bildiredi", - degen bolatyn frakııa depýtaty B.Dúısembınov QR Úkimetine joldaǵan depýtattyq saýalynda.
Osyǵan sáıkes, saýal joldanǵannan keıin 3 apta ótken soń, biraq Úkimetten jaýap bolmaǵan soń partııa resmı túrde óz usynystaryn joldady. Atap aıtsaq:
- Jer ýchaskeleri sheteldikterge, azamattyǵy joq adamdarǵa, sheteldiktermen nemese azamattyǵy joq adamdarmen nekede turǵan (erli-zaıypty) Qazaqstan Respýblıkasynyń azamattaryna, sondaı-aq sheteldik zańdy tulǵalarǵa jáne sheteldik qatysýy bar Qazaqstan Respýblıkasynyń zańdy tulǵalaryna menshik quqyǵymen tıesili bola almaıdy.
- Qazaqstan Respýblıkasynyń azamattary sheteldiktermen nemese azamattyǵy joq adamdarmen neke qıǵan (erli-zaıypty bolǵan) kezde, jer ýchaskelerine menshik quqyǵy osy Kodekstiń 66-babynyń normalaryna sáıkes qaıta resimdelýge nemese ıelikten shyǵarylýǵa jatady.
- Qazaqstan Respýblıkasy zańdy tulǵasynyń qatysýshylary (akıonerleri) quramyna sheteldik nemese azamattyǵy joq adam, sheteldik zańdy tulǵa, Qazaqstan Respýblıkasynyń sheteldik qatysatyn zańdy tulǵasy kirgen kezde, jer ýchaskelerine menshik quqyǵy osy Kodekstiń 66-babynyń normalaryna sáıkes qaıta resimdeýge nemese ıelikten shyǵarýǵa jatady.
- Memlekettik menshiktegi aýyl sharýashylyǵy maqsatyndaǵy jer ýchaskeleri osy Kodekstiń 23-babyna sáıkes, Qazaqstan Respýblıkasynyń azamattaryna jáne Qazaqstan Respýblıkasynyń zańdy tulǵalaryna jer paıdalaný quqyǵymen berile alady.
- Ulttyq qaýipsizdikti, aýmaqtyq tutastyqty qamtamasyz etý, separatıstik úrdisterdi boldyrmaý maqsatynda, Qazaqstan Respýblıkasymen tikeleı qurlyqtyq jáne teńiz shekarasy bar memleketterdiń sheteldik azamattary men zańdy tulǵalary úshin, sondaı-aq jarǵylyq kapıtalynda tıisti memleketterdiń jeke jáne zańdy tulǵalarynyń qatysý úlesteri (akııalar paketteri) bar Qazaqstan Respýblıkasynyń zańdy tulǵalaryna qatysty ýaqytsha jer paıdalaný quqyǵyn berýge jol berilmeıdi.
"Aq jol" demokratııalyq
partııasynyń baspasóz qyzmeti
