2023 jyldyŋ 3 nauryzynda «Aq jol» dempartiiasy 8 jyl boiy talap etıp kelgen «Jeke tūlǧalardyŋ bankrottyǧy turaly» zaŋ küşıne endı. Būl turaly Almatydaǧy jaqtastar mitingısınde partiia töraǧasy Azat Peruaşev mälımdedı, dep habarlaidy “Adyrna” ūlttyq portaly.
Azat Peruaşev būl taqyryptyŋ tarihyna da toqtalyp öttı.
«Aq jol» fraksiiasy «Jeke tūlǧalardyŋ bankrottyǧy turaly» zaŋdy äzırleudı alǧaş ret 2014 jyly ūsynǧan bolatyn. Būl bastamaǧa 2008-2011 jyldardaǧy ekonomikalyq daǧdarys saldarynan köptegen käsıporyndardyŋ küireuı jäne toqtap qalu faktılerı, sondai-aq azamattardyŋ tölem qabıletsızdıgı men kollektorlardyŋ zaŋsyzdyǧy sebep boldy. Halyqaralyq täjıribenı zerttegen «Aq jol» dempartiiasy boryşkerlerdıŋ äleumettık qūqyqtaryn qorǧau boiynşa ūsynystar daiyndady, ol üş negızgı şarany qamtuşy edı: qaryz boiynşa paiyz esepteudı toqtatu, qaryzdyŋ belgılengen somasyn öteuge qosymşa merzım beru jäne qaryzdy öteu üşın boryşkerdıŋ jalǧyz baspanasyn alyp qoiuǧa tyiym salu. Alaida Qarjy ministrlıgı būl ūsynystarǧa tosqauyl qoiyp, «mūndai tetık elımızde 2016-2017 jyldarǧa josparlanǧan kırısterdı jalpyǧa bırdei deklarasiialaudy engızu arqyly ǧana mümkın bolady» dep jauap bergen. «Aq jol» dempartiiasynyŋ sol ūsynysynan jyl saiyn türlı syltaularmen bas tartylyp keldı. 2017 jäne 2019 jyldary ükımettıŋ tiıstı jauabyn kütpesten, «Aq jol» dempartiiasy «Jeke tūlǧalardyŋ bankrottyǧy turaly» zaŋ jobalaryn äzırlep, ūsyndy, oǧan da memlekettık organdar tosqauyl qoidy. Almatyda boryşker özın üiden şyǧaruǧa kelgen bes adamdy atyp tastaǧan nemese anasy balalaryn köpqabatty üiden laqtyryp jıbergen bırqatar qaiǧyly oqiǧalardan keiın ǧana mäselenıŋ özektılıgı men ötkırlıgıne Ükımettıŋ közı jettı, onyŋ özınde Prezident Q.Toqaevtyŋ 2021 jylǧy jeltoqsandaǧy tıkelei tapsyrmasynan keiın ǧana. 2022 jyly Ükımet pen Ūlttyq bank «Aq jol» partiiasynyŋ ūsynystaryn eskere otyryp zaŋ jobasyn daiyndady, ol boiynşa parlamenttegı jūmysty dempartiia deputaty Daniia Espaeva basqardy. 2022 jylǧy 30 jeltoqsanda Prezident Q.Toqaev jeke tūlǧalardyŋ tölem qabılettılıgın jäne bankrottyǧyn qalpyna keltıru turaly zaŋǧa qol qoidy. Būl zaŋnyŋ qabyldanuy Qazaqstan Respublikasynyŋ Prezidentı Q.Toqaevtyŋ tıkelei tapsyrmasyn oryndaudyŋ jäne «Aq jol» demokratiialyq partiiasy jäne ükımet pen Ūlttyq bank arasyndaǧy 8 jylǧa sozylǧan daulardyŋ nätijesınde boldy. «Aq jol» fraksiiasy talap etse de, qūjatta boryşkerlerdıŋ jalǧyz baspanasyn alyp qoiuǧa tyiym salu mäselesı tolyq şeşılmegen, bıraq, sonyŋ özınde būl zaŋ azamattardyŋ qaryz auyrtpalyǧyn jeŋıldetıp, qiyn ömırlık jaǧdaiǧa tap bolǧan myŋdaǧan azamattarǧa naqty kömek körsetetın maŋyzdy qūralǧa ainalary sözsız. Alǧaşqy künnıŋ özınde-aq 2,5 myŋ qazaqstandyqtyŋ osy zaŋdy qoldanuǧa ötınış bıldırgenı kezdeisoq emes. Ükımet pen Ūlttyq bank «Aq jol» deputattarynyŋ talabyn elemei kelgen 8 jyl ışınde qanşa myŋ qandastarymyzdyŋ barynan aiyrylyp qalǧanyn boljau ǧana qaldy, - dedı A.Peruaşev mitingıde.
Ūqsas jaŋalyqtar
