Pedofiliia qylmysyn jasaǧan adamdarǧa himiialyq kastrasiia jazasyn qoldanu tärtıbı küşıne endı. Būl özgerıs QR Densaulyq saqtau ministrınıŋ būiryǧymen bekıtılgen «Mäjbürlı medisinalyq sipattaǧy şaralardy qoldanu qaǧidalaryna» engızılgen tüzetuler aiasynda jüzege asady. Jaŋa ereje boiynşa, himiialyq kastrasiia psihiatriialyq nemese ambulatoriialyq medisinalyq ūiymdarda sot şeşımıne säikes jürgızıledı, dep habarlaidy «Adyrna».
«Sottalǧan adamdy bosatuǧa alty ai qalǧanda, tüzetu mekemesınıŋ äkımşılıgı sot-psihiatriialyq saraptama taǧaiyndau üşın materialdardy sotqa joldaidy. Saraptama qorytyndysy negızınde himiialyq kastrasiia qoldanu turaly şeşım qabyldanady» delıngen ministrlık habarlamasynda.
Himiialyq kastrasiia 18 jastan asqan, pedofiliialyq sipattaǧy qylmys jasaǧan tūlǧalarǧa ǧana qoldanylady. Būl şara sottyŋ zaŋdy küşı bar şeşımımen ǧana jüzege asyrylady jäne psihikalyq auytquy bar adamdarǧa qoldanylmaidy.
