Reseiden qūtylar kün alys emes

Moldovanyŋ jaŋa prezidentı Maiia Sandu prezident retınde alǧaşqy vizittı Euroodaqqa jasaǧan. Būǧan Kreml şalqasynan tüsıp jatyr. Būrynǧy prezidentter eŋ aldymen alǧaşqy vizitterın Mäskeuge jasap kelgen eken. Būdan bylai Moldova Mäskeudıŋ aitqanymen jürmeitındıgın körsetıptı söitıp. Äsırese Dodonnyŋ kezınde Mäskeu Moldovany özımızge tüpkılıktı qarady dep eseptep kelgen körınedı. Dodonnyŋ taǧy bır jasap ketkenı - Moldovany EAEO-ǧa müşe bolmasa da soǧan jaqyndatyp ketıptı. Dodon endı bır merzım sailanǧanda EAEO-ǧa kırgızıp ketuge säl qalypty. Maiia Sandu osy jobadan bas tartyp otyr. Onyŋ aitatyny - bärıbır Kreml Moldovaǧa derbes ekonomikalyq saiasat jürgızuge mümkındık bermeidı, sondyqtan ondai odaqtan bırden bas tartqan dūrys. Roskomnadzor qadam bastyrmai, ūnamasa tauarlaryn bırjaqty kerı qaitaryp otyrady. Jaqynda da solai jasady, al EAEO-nyŋ basqa elderımen bız älı bailanysqa tüse qoiǧan joqpyz - deptı jaŋa prezident. Qandai aqyldy äiel deseŋızşı. EAEO-nyŋ ekonomikalyq emes, taza saiasi odaq ekenın tüsınıp bırden at-tonyn ala qaşyp otyr. Al bızde seksenge kelıp selkıldep qalǧan bıreuler bızdı qoraǧa tyqty da kettı. Älı künge şeiın osy qatelıgın moiyndamaq tügılı, dūrys jasadyq dep bet baqtyrmaidy. Ony jäne keremet danalyq dep ainalasy ötırık maqtauǧa mäjbür. Sorlylyq degen osy. Jaŋa prezident Ukrainamen dostyqty jaŋa satyǧa köteruge ūmtylyp otyr. Şekaralas ekı elge transşekaralyq saudaǧa mol mümkındıkter bar. Basqa da artyqşylyqtary jetedı. Moldova sondai-aq Euroodaqpen jetımildık jyldamdyqpen jaqyndasyp jatyr. Tübı EO-nyŋ bır müşesı bolatyndyǧy anyq. Al Mäskeu... ışterı it talaǧandai, qyzǧanyştan jarylyp jatyr, alaida ūsyna qoiar eş tartymdylyǧy joq - ne jaŋa tehnologiiasy, ne ǧylmi jetıstıgı, ne aqşasy, tıptı jaǧdaiy joq. Bar bolǧany - Moldovaǧa qatysty saiasatta provalǧa jol berdıŋ dep, sol baǧytqa jauapty general Chernov degendı jūmystan alypty. Özımızge tanys kartina emes pe? Bızde de sol jaǧdai ǧoi. Söz soŋynda, ıske sät, Maiia Sandu hanym deimız! Aldy-artyŋa qarama, zyt, körmegenıŋ Resei bolsyn! Tübı bız de qaşyp qūtylarmyz būl itterden, sonda kezdesuge jazsyn!