Būl turaly bügın qala äkımı Mūrat Äitenov eseptı kezdesuınde aityp öttı. 2020 jyl bükıl älemdı jailaǧan ındetpen küres jaǧdaiynda örbıgenın aitqan qala basşysy elımızde jariialanǧan tötenşe jaǧdai men karantin kezınde Şymkenttegı 483 482 tūrǧynǧa memleket tarapynan kömek körsetılgenın mälım ettı.
Mäselen, Elbasy N.Nazarbaevtyŋ bastamasymen qūrylǧan «Bız bırgemız» qoǧamdyq qory arqyly 41 myŋ az qamtylǧan otbasy kömek alǧan. Al, Prezidenttıŋ tapsyrmasy boiynşa tötenşe jaǧdai jäne karantin kezınde kırısın uaqytşa joǧaltqan 428 myŋnan astam azamatqa qoldau körsetılgen. Iаǧni, bırınşı kezeŋde 285 myŋnan astam adamǧa, ekınşı kezeŋde 143 myŋnan astam azamatqa 42 500 teŋgeden kömek berıldı. Odan bölek, 28 myŋnan astam azamattyŋ kommunaldyq şyǧyny memlekettık biudjetten öteldı.
Būdan bölek, Şymkent qalasy boiynşa 26 myŋnan astam käsıpkerlık subektısı mülık jäne tabys salyqtarynan bosatylǧan bolsa, 1482 käsıpkerdıŋ 13 mlrd. teŋge nesie tölemderı keiınge şegerıldı. Indetpen küresken medisina qyzmetkerlerıne türlı ötem-tölemder qarastyryldy.
Mūrat Äitenov öz sözınde pandemiia adam balasyna ülken qauıp töndırıp, ömır süru daǧdysyn özgertkenın jäne būl densaulyq saqtau salasyna ülken synaq bolǧanyn aitty.
«Indet Qazaqstandy da ainalyp ötken joq. Osyndai qiyn sätte alǧy şepte jürgen medisina, polisiia, tötenşe jaǧdailar qyzmetkerlerıne, äskeriler men erıktılerge, tüsınıstık tanytyp, jaqynyna janaşyr bolǧan ärbır azamatqa alǧys aitamyn! Synaq saǧymyzdy syndyrǧan joq, kerısınşe bırıktırdı. Kemşıl tūstarymyzdy kördık, jaŋa baǧdar aldyq, qarapaiym qarym-qatynastyŋ qūndylyǧyn tüsındık, toi-dumandap jüretın beibıt zamannyŋ baǧasyn bıldık», -dedı qala äkımı.
Esterıŋızge salsaq, äkım esebı tıkelei efir arqyly «Oŋtüstık», «Otyrar», «Aiǧaq» telearnalary men äkımdıktıŋ resmi äleumettık jelılerınde körsetılude. Tūrǧyndar sūraqtary men ūsynystaryn 109 telefonyna habarlasyp qoiuǧa nemese äleumettık jelı arqyly jazuǧa bolady.
Foto: Bereke SEIITJAPPAR
Şymkent qalasy äkımdıgınıŋ baspasöz qyzmetı
